Pas deklaratës së OSBE-së në Tiranë se drejtuesit e protestës do të mbanin përgjegjësi penale për dhunën gjatë protestës së sotme të opozitës, disa të rinj protestues i kanë shkuar në pallatin ku jeton Bern Borchard dhe i kanë shkruar në hyrje "Borchard të të vijë turp" në gjuhën angleze.

"Organizatorët e protestës së mbrëmjes të sotme duhet të mbajnë përgjegjësinë politike për dhunën kriminale të ushtruar nga disa prej ndjekësit e tyre.

Mendimet tona shkojnë me familjet e të plagosurve. OSBE-ja do të vijojë të nxisë opozitarizmin efikas dhe dialogun në Shqipëri.

Por ne i dënojmë plotësisht ata që përpiqen të përdorin dhunën si një rrugë të shkurtër politike; ata do të dështojnë.", thuhej në deklaratën e OSBE-së e cila më vonë nxori dhe një deklaratë tjetër ku dënonte edhe dhunën e policisë.

"Prezenca e OSBE-së e ka ndjekur protestën e sotme minutë pas minute. Ne përsërisim qëndrimin tonë të palëkundur që dhuna nuk është përgjigja. Gjithashtu, reagimi i rëndë ndaj dhunës nuk ndihmon", thuhej në njoftimin e dytë.