Çdo ditë e më shumë Edi Rama po “ndërgjegjësohet” se po kalon nga pasiguria në frikë e nga frika në ankth. I gjendur para presionit popullor, Rama, sa herë që ka protestë, largohet nga vendi i ngjarjes dhe trimërohet pasi ikin protestuesit. Madje për ta bërë edhe më të besueshme frikën e tij, Rama mbledh të gjithë aktorët dhe faktorët e dhunës dhe i udhëzon ata që në asnjë rast të mos e ndajnë gazin, ujin e shkopin e gomës. Por më e keqja është se këtë frikë e panik që e ka kapur kryeministrin, ka filluar që t’ia kalojë edhe policisë.   Rastet e fundit e tregojnë më së miri këtë gjë. Policia, e gjendur nën trysinë e shefit të saj politik, si levë e Ramës, po përpiqet që me çdo kusht të zbatojë urdhërat e saj, duke humbur kontrollin, qetësinë dhe duke dalë nga detyra e misioni i saj. Në çdo protestë të opozitës, para parlamentit apo në rrugë, te Unaza e Re apo te Kryeministria, rastet e dhunës ndaj protestuese janë të shumta. Goditje me shkop, arrestime të dhunshme, ndërhyrje brutale edhe ndaj të moshuarve apo fëmijëve,  dhuna e hapur ndaj kundërshtarëve politikë si rasti i deputeti Balliu apo sekretarit Sahid Dollapi, përdorimi pa kriter i gazit e ujit, të gjitha këto flasin për panikun dhe frikën që e ka kapur policinë. Frika e Ramës është e lexueshme, pavarësisht se bën trimin apo karagjozin para kamerave./"55news.al"/