Sekretari Organizativ i Partisë Demokratike Sahit Dollapi i është nënshtruar sot një ndërhyrje kirurgjikale pas traumës që iu shkaktua nga dhuna e Policisë në protestën e 11 Majit.
Sahiti u operua në shpatull dhe sipas informacioneve më të fundit operacioni ka rezultuar me sukses dhe gjendja e tij shëndetësore duket e stabilizuar.
Dollapi u dhunua me shkopinj gome nga Forcat e Ndërhyrjes së Shpejtë gjatë momentit që po përpiqej të mbante demonstruesit që të mos godisnin Policinë.
Më pas ai u mbajt i lënduar në Drejtorinë e Policisë së Tiranës, derisa me ndërhyrjen e opozitës dhe të Presidentit Meta, u shoqërua për kurim në Spitalin e Traumës në Tiranë.
