Ish-deputeti i Partisë Demokratike, Tritan Shehu veçon një student nga Gjirokastra, i arrestuar për protestën e opozitës gjatë ditës së djeshme, duke theksuar se ai protestoi kundër varfërisë dhe pamundësisë për të vijuar studimet e larta.
Reagimi i plotë i Shehut:
Shume shpejt Arditi do te lirohet e do t’i ipet e drejta qe i takon; Shqiperia eshte ne prag te ndryshimit.
I riu gjirokastrit Ardit Boci, qe protestoi ne Tirane kunder varferise, pa mundesise per te vazhduar rregullisht studimet e larta etj, sot u vendos te mbahet ne burg.
Arditi, i regjistruar ne Universitetin e Durrësit prej disa vitesh, është i detyruar te punoje ne një Call Center në Tiranë, për të siguruar jetën e tij dhe vazhdimin e shkollës me tej.
Ai protestoi si dhjetëra mijëra te tjere, si mijëra nga bashkëmoshatarët e tij, protestoi edhe per ata qe nuk ishin ate dite ne proteste.
Protestoi si shume shoke te tij edhe kunder “premtimeve te harruara”, qe ju bene studenteve pak muaj me pare nga kjo Qeveri.