Prokurorët e Krimeve të Rënda Dritan Prençi dhe Vladimir Mara në krye të hetimeve të dosjes "339" urdhërojnë ndalimin e publikimit të akteve të procedimit penal nr 339 nëpërmjet shtypit ose çdo lloj forme tjetër informacioni masiv.

Urdhri vjen pas publikimeve të audiopërgjimeve nga gazeta gjermane "Bild". Dyshimet e dy prokurëve janë se përgjimet kanë dalë nga kopjimi ose regjistrimi i bisedave që gjendjen në CD-të bashkëlidhur akteve të këtij procedimi penal.

Lidhur me këtë vendim të prokurorisë, ka reagur edhe ish ministri i Drejtësisë Ylli Manjani.

Përmes një postimi në rrjetet sociale, Manjani ngre pyetjen: “Cilat janë materialet e dosjes hetimore 339 që nuk duhet publikuar?!”.kjo është mënyra abuzive e zbatimit të ligjit.

“Një gjë nuk e kuptoj, cilat janë materialet e dosjes hetimore 399 që nuk duhet publikuar?!

Dmth gazetarët si presupozohet që ta dinë nëse një përgjim është i dosjes 399 apo jo?! A është konfidenciale dosja hetimore?!

Dmth arrij të kuptoj që urdhëri i ndalimit të publikimit mund të zbatohet ndaj prokurorëve, policëve gjyqsor, avokatëve dhe personave nën hetim të kësaj dosje, por ndaj gazetarëve si do zbatohet?!

Natyrisht e vetmja mënyrë është mënyra abuzive e zbatimit, sepse llogjikë nuk ka. Gazetarët nuk kanë si ta dinë se një material është në dosje hetimore ose jo. Atyre u intereson vetëm lajmi.

Le pastaj ndalimin e gazetarit të BILD, se është komplet qesharake... As në gjendjen e jashtëzakonshme ku gjeneral ishte Gazidede nuk doli një urdhër i tillë të ndalohen gazetat e huaja...”, shkruan Manjani në reagimin e tij.