Pas publikimit të 16 përgijmeve të reja nga gazeta prestigjioze “Bild”, ku faktohet se Edi Rama e dinte dhe ishte pjesë e kësaj loje, kësaj blerjeje të ulët, që të mund t’i siguronte Ramës gjithë tepsinë për vete, ashtu siç edhe ia siguroi, kryeministri ka reaguar  duke shkruar se ka vendosur të çojë në gjykatë gazetarin gjerman, Peter Tiede. “Kam vendosur ta çoj në gjykatat gjermane këtë gazetar dhe në atë vend të bekuar, ku drejtësia nuk bën lojra me sekretet hetimore e ku dinjiteti i njerëzve dhe i shteteve respektohet si vlerë e pacënueshme,le të shohim kush është me të drejtën në këtë histori drejtësie të munguar!”, shkruan Rama, i cili e pranon edhe vetë se “drejtësia nuk bën lojra me sekretet hetimore e ku dinjiteti i njerëzve dhe i shteteve respektohet”, por harron që në Gjermani nuk ka një Adrian Dvorani që  ta gjykojë, ashtu siç edhe kaloi vettingun, pa u lagur. Rama duhet të jetë i bindur dhe i qartë se në perëndim e në gjermani shtypi është i lirë, gjykatat janë të lira dhe se shteti apo kryeministri nuk mund t’i bërë presion as gjykatës, as mediave. Dhe me të drejtë gazetari gjemran Peter Tiede e pyet kryeministrin: “Kryeministër, ju doni të më padisni? Për cilin shkak apo pse? Kasetat janë reale. Apo dyshoni për materialin e prokurorëve tuaj? Në Shqipëri, ju nuk mund të më paditni: Cila gjykatë punon? I gëzuar që e njihni …”, duke e sfiduar në fund kryeministrit për pseudoreformën në drejtësi që e ka lënë vendin pa asnjë gjykatë…