Kryebashkiakja e Shkodrës, Voltana Ademi, ka reaguar e revoltuar pas vendimit të Gjykatës së Shkodrës për të mbajtur në burg, policët bashkiakë të ndaluar gjatë përplasjes me policinë e rendit përpara KZAZ-së, teksa ishin duke kryer detyrën e tyre.

“Kjo është diktaturë! – shkruan Ademi në Fb. - Drejtësia e kapur nga Kryeministri antikueshtues, lë në burg dy policët bashkiakë. Alfred Nikolli dhe Gentian Bytyçi u vendos të mbahen peng si të burgosur politikë.

Edhe tre të tjerët, Adi Garuci, Aleks Ndoi dhe Oraldo Thepi do të duhet të qëndrojnë në arrest shtëpie. Të gjithë këta janë heronjtë tanë, heronjtë e zgjedhjeve të lira e të ndershme, heronjtë e fjalës së lirë!

Asnjë hap pas! Përballë Kryeministrit - fatkeqësi kombëtare!”