Një ditë pas protestës së opozitës, ambasadori italian Alberto Cutillo ka shkuar në zyrën e kreut të PD-së, Lulzim Basha.

Gjatë takimit mendohet të jetë folur rreth krizës politike në vend.

Këtë të shtunë, përmes një mesazhi në FB, Basha tha se rruga për të dalë prej krizës “kalon përmes standarteve europiane: Para drejtësisë hajdutët e votave, largimi i Edi Ramës, reformë e thellë politike, dhe zgjedhje të lira e të ndershme”.

“30 qershori është varreza politike e Edi Ramës dhe Organizatës Kriminale të Rilindjes. Largimi i tij është vetëm fillimi”, u shpreh Basha.

Ndërkohë kujtojmë se ditën e djeshme pati edhe një reagim të ministrit të Jashtëm të Italisë, Enzo Moavero i cili iu bëri apel forcave politike në Shqipëri të respektojnë me rigorozitet rregullave themelore te demokracisë dhe shtetit të së drejtës.