Ajo çfarë përfaqëson Britania e Madhe në sistemin arsimor por sidomos në pjesën e kolegjeve është maja e edukimit planetar.

Universitetet e Londrës, forca dhe influenca e diplomave të tilla janë asete me peshë të jashtëzakonshme, dhe sigurisht është gjithnjë një kenaqësi kur studentët shqiptarë arrijnë  të prekin këto maja.

I tillë është dhe rasti i strudentit Klaudio Morinaj, i biri i biznesmenit të njohur Kadri Morinaj, i cili është diplomuar në “King's College”. Jo vetëm kaq, por ai merr pjesë dhe në Royal Ascot.

Dy momente dhe dy evenimente të ajkës së shoqërisë londineze. Vetë Kings College është formuar që më 1829 nga Mbreti Xhorxh IV dhe në rankun e universiteteve është i katërti ndër universitetet më të vjetra të Londrës. Renditja flet vetë.

Por Klaudio Morinaj merr pjesë edhe në evenimentin më të rëndësishëm të elitës britanike, që është Royal Ascot. Ky eveniment renditet ndër të më të rëndësishmit edhe për familjen mbretërore. Është gara më e vjetër në Britaninë e Madhe, ku është elita e shoqërisë britanike.

Kjo garë është themeluar si një eveniment i rëndësishëm social dhe jo vetëm sportiv nga Mbretëresha Anne në vitin 1711. Gara e parë është mbajtur më 11 gusht të këtij viti.

Një eveniment i tillë 300 vjeçar, i cili çdo vit është ndjekur dhe ndiqet tashmë nga Madhëria e saj, Mbretëresha Elisabeth II dhe anëtarët e Familjes Mbretërore.

Sigurisht është kënaqësi personale e Klaudio Morinajt, ky diplomim dhe këto dyer të rëndësishme që hapen. Dhe kudo ku studentët shqiptarë arrijnë maja të tilla kthehej edhe në një lloj krenarie për të gjithë shqiptarët dhe një shembull për të rinjtë që duan të trokasin në dyert e vështirë por jo të pamundura të dijes dhe të elitës britanike.