Kreu i Partisë Demokratike, Lulzim Basha në një intervistë për televizionin prestigjioz aziatik, “Al Jazeera”, thotë se është i tronditur nga mos reagimi i ndërkombëtarëve pas publikimit të përgjimeve nga ana e gazetës gjermane Bild.

Ai thotë se situata aktuale është e rrezikshme dhe mund të çojë në trazira civile.

“Shqipëria është e tronditur nga mosreagimi i ndërkombëtarëve për provat që lidhin Ramën  me krimin e organizuar përmes së cilëve ai rifitoi pushtetin në vitin 2017. Kjo është një situatë e rrezikshme, që çon në trazira civile, trazira sociale, nëse nuk ka një dënim të qartë të farsës e cila tashmë ka ndodhur” – shprehet Lulzim Basha për Al Jazeera.

Agjencia shkruan se nën presionin e brendshëm dhe ndërkombëtar për të siguruar një votim paqësor, kreu i Partisë Demokratike Lulzim Basha i bëri thirrje mbështetësve të tij që të përmbahen nga dhuna.