Kreu i Partisë Demokratike dhe i Opozitës së Bashkuar Lulzim Basha, se bashku me aleatët Monika Kryemadhi, Fatmir Mediu dhe Agron Duka, janë nisur sot në Vienë në një takim me Sekretarin e Përgjithshëm të OSBE-së, Thomas Greminger.

Agjenda e këtij takimi ka në vëmendje situatën e fundit politike në Shqipëri si edhe votimet farsë të 30 qershorit, ku opozita shqiptare do të informojë drejtuesin e lartë të OSBE-së lidhur mbi manipulimet që u shfaqën në këto votime, si edhe paligjshmërinë e tyre.

Ndërkohë që sot Gjykata e Durrësit nuk ka mandatuar kandidaten fituesve të këtyre votimeve në këtë qytet, për shkak të situatës së paligjshmërisë.