Kreu i PD-së Lulzim Basha do të dëshmojë sot para prokurorëve belgë për dosjen e ‘Toyota Yaris’.
Ishte Basha që gjatë një fjalimi në Kuvend, një vit më parë deklaroi se një dërgesë e madhe parash po vinte në Shqipëri dhe këto para po futeshin me bekimin e Taulant Ballës, numri dy i PS-së.
Pikërisht për të mbledhur detaje dhe informacione, prokurorët belgë kanë zbarkuar prej ditësh në Tiranë dhe kanë kërkuar që të marrin edhe dëshminë e kreut të opozitës.
‘Në orën 09:00 kreu i opozitës Lulzim Basha do të jetë tek Prokuroria e Krimeve të Rënda për të dëshmuar para prokurorëve belgë për çështjen ‘Toyota Yaris’, thuhet në një njoftim nga selia blu.
