Kreu i opozitës Lulzim Basha vijon turin e takimeve në të gjithë Shqipërinë.
Gjatë ndalesës së tij në qytetin e Peqinit, kryedemokrati është shprehur se, hajdutëria e Edi Ramës është arsyeja pse shqiptarët janë të papunë dhe në krizë.
Sipas tij, 30 qershori u kthye në një referendum popullor për ndryshim dhe ky ndryshim do të vijë vetëm përmes largimit të Edi Ramës
Postimi i plotë i Bashës në Facebook:
Hajdutëria e Edi Ramës është arsyeja pse shqiptarët janë të papunë dhe në krizë!
Kjo është arsyeja pse shëndetësia, arsimi dhe gjithçka tjetër janë në kolaps. Kjo është arsyeja pse po përjetojmë emigracionin më gërryes dhe më të rrezikshëm se ai i fillim viteve ’90.
Sepse ekonominë dhe mundësitë ekonomike i kanë marrë oligarkët dhe klientët e Edi Ramës, shpresat e tyre i ka vrarë Edi Rama me oligarkët grabitqarë.
30 qershori u kthye në një referendum popullor për ndryshim dhe ky ndryshim do të vijë vetëm përmes largimit të Edi Ramës, duke i dhënë fund, bashkë me të, edhe bandës së oligarkëve e hajdutëve.
