Vijojnë përplasjet mes banorëve dhe policisë në Zall Gjoçaj, në Mat.
Banorët nuk lejohen të futen në zonën ku firma ka nisur të hapë rrugën për ndërtimin e HEC-et, raporton Syri.net.
Ata kanë mundur të çajnë kordonin policor, ndërsa rezistenca e tyre ka vazhduar për rreth 4 orë.
Më pas, ata vendosën të ngujohen në çadra në mënyrë që ti pamundësojnë firmës vazhdimin e punimeve.
Banorët shprehen se, i kanë dërguar letra ministrisë së Energjisë ku kërkojnë që të mos iu merret uji nga kompania private që ka marrë lejen për të ndërtuar HEC-et.
“Uji është jeta, ne vetëm këtë ujë kemi, asnjë pasuri tjetër në këtë zonë. Policia e Shtetit, me kë jeni ju? Me privatin?! Ne do ngremë çadrat këtu, nuk largohemi”, janë shprehur ata. /SYRI.net
Pamje nga përplasja banorë-Polici:
