Prej më shumë se një viti qindra qytetarë kanë bërë gjatë gjithë kësaj periudhe protestën më të bukur që është bërë ndonjëherë në Shqipëri.

Qendresë e pashoqe, një leksion i jashtëzakonshëm i mbrojtjes së ttë drejtave kundër hajdutërisë absolute të qeveritarëve.

Qeveria është zmbrapsur nga rezistenca e gati 500 familjeve, që bëhen viktimë e projektit mega korruptiv të Ramës dhe oligarkëve të tij.

Edhe pse herë pas herë ka pasur tensione, pasi qeveria dhe falangat e saj tentonin të provokonin, madje kanë arritur deri aty sa të arrestojnë dhe të mbajnë në burg organizatorë apo edhe protestues të thjeshtë, ditëve të fund ka pasur një zhvillim vërtet dramatik.

Për herë të parë që prej nisjes së vrullshme të protestave, Fadromat e IKMT-së janë paraqitur te banesat e banorëve dhe pretendojnë të nisin aksionin për shembjen e banesave.

Duke qenë se një gjë të tillë qeveria nuk guxoi ta bëjë më parë ccfarë ka ndodhur këto ditë që Rama na qenka ‘trimëruar’? Pse është rritur presioni dhe dhuna që kur banorët e Unazës protestuan kundër ambasadori të OSBE-së, Borchardt, duke kërkuar largimin e tij për gjestin e turpshëm që bëri ndaj vajzave dhe grave, duke u treguar gishtin?

Mos vallë këto dy ngjarje nuk janë rastësi? Deri para se të ndodhte revolta ndaj këtij që e quan veten ambasador nuk kishte fadroma te Unaza. Pse pikërisht tani?! Mos po i dergon Borchard fadromat tek Unaza?!