Ambasadorja e re e SHBA Yuri Kim, ka vizituar sot zonat e prekura nga tërmeti, duke filluar nga Durrësi. “Këmbëngula të vija në Durrës, se doja të shihja dëmet dhe përpjekjet që po bëhen për rindërtim, - deklaroi zonja Kim.

"U preka shumë nga kontributet që po jepeshin, nga kutitë e mbushura me ndihma nga SHBA dhe jemi shumë krenarë që ato kuti tregojnë se janë nga populli amerikan.

Po ashtu, vlerësoj ndihmën e ushtarakëve tanë, inxhinjerëve tanë. Ne do të vazhdojmë të punojmë ngushtësisht me qeverinë shqiptare dhe do të bëjmë çmos për të ndihmuar në gjithçka.”