Nuk luftohet virusi dhe pasojat e tij me gjoba.
I këtij mendimi është nënkryetari i PD-së, Edmond Spaho, i cili përmes një reagimi në rrjetet sociale shprehet se, për këtë situatë duhet përgjegjshmëri dhe një plan i qartë social-ekonomik.
“Nuk luftohet virusi dhe pasojat e tij social-ekonomike vetëm me gjoba, gjoba, gjoba. Sot ekonomia shqiptare ka nevojë për garanci dhe mbështetje! Duhet përgjegjshmëri dhe një plan i qartë social - ekonomik.
Pa buxhet në dispozicon nuk blihen mjetet mbrojtëse për mjekët. Pa buxhet në dispozicion nuk paguhen qytetarët që po detyrohen të rrinë në shtëpi. Pa buxhet nuk ndihmohen më të varfërit! Pa buxhet në dispozicion nuk rimbursohen bizneset. #kryeministeriskaduar”, shkruan Spaho në reagimin e tij