Nga Sali Berisha.
Dy qëndrime, dy botë!
Republika e ligjit dhe kushtetutës e Francës - versus Narko-republikës antikushtetuese të Surrelit!
Emanuel Macron është presidenti më i fuqishëm në kompetenca në Europë. Por ai e di se mbi të dhe fuqitë e tij qëndron Kushtetuta dhe ligjet e vendit. Ndaj dhe në zbatim të Kushtetutës së vendit të tij, e cila si çdo kushtetutë tjetër në botë, lejon kufizimin kolektiv të të drejtave të qytetarëve vetëm duke shpallur me ligj të veçantë të parlamentit Gjendjen e Jashtëzakonshme!
Kurse në Narko-republikën e Surrelit, i ngujuari në sarajet e tij, Sulltan Salep Surreli, asgjeson Kushtetutën, ligjet, institucionet e vendit dhe nga bodrumi ku është fshehur, bën vet Kushtetutën, ligjin, kryekreun e narko-ekzekutivit, narko-parlamentin, Presidentin, deri edhe zëdhënësin e shpifur të Ardi Xhafës dhe të ish-kunatës.
Me të gjitha këto veprime dhe akte antikushtetuese, Sulltan Salep Surreli beson se do të mund të mbulojë para publikut, qëndrimin e tij të papërgjegjshëm në 85 ditët e para të epidemisë ndaj së cilës nuk mori absolutisht asnjë masë të vetme. Përkundrazi, u tha shqiptarëve me zë dhe figurë se koronavirusi nuk është asgjë!!!
Kurse zëdhënësit e tij ju deklaronin në media se mezi prisnin të shihnin një rast me koronavirus!!!
Duke dënuar me ashpërsinë më të madhe, aktet dhe qëndrimet antiligjore dhe antikushtetuese të Sulltan Salep Surrelit, ju ftoj ju miq dhe çdo qytetar të zbatojmë me rigorozitet të plotë të gjitha masat e rekomanduara nga OBSH për mbrojtjen nga COVID-9.
Sipas dëshirës mund të lexoni raportimin e mëposhtëm.
Franca miraton ligjin për situatën e jashtëzakonshme, qeveria me kompetenca më të mëdha