Le qelitë e burgut vetëm pas 5 muajsh i akuzuari për vrasje.
Bëhet fjalë për ish shefin e sigurisë së Brendshme të burgut në Durrës, Bledar Toçi, për të cilin Gjykata e Kavajës ka vendosur masën e sigurisë "detyrim paraqitje".
Kujtojmë këtu se, Toçi u arrestua në 2019 si autor i vrasjes së Dritan Hoxhollit, ngjarje e ndodhur tetorin e shkuar në qytetin e Kavajës.
Pas një përplasjeje me armë në banesën e shtetases Marsida Qatja Hoxholli mbeti i vrarë, ndërsa vetë Toçi u plagos.
Nisur nga ky vendim në rrjetet sociale nuk mungojnë memet ironizuese, nxitur edhe nga vendimi i mazhorancës për të bërë disa ndryshime në Kodin Penal, sipas të cilave kush shkel karantinën gjatë pandemisë rrezikon deri në 15 vjet.
Pra, nëse vret 5 muaj burg, nëse thyen karantinën 15 vjet.
