Për Monika Kryemadhin amnistia fiskale e prezantuar nga qeveria e kryeministrit Rama është një mashtrim.

Në një intervistë për Ora News, kryetarja e LSI tha se është një ide për të pastruar paratë e ndonjë trafikanti droge i cili merret me ndërtime në Shqipëri.

"Po janë bërë 4 amnisti fiskale. Kush ka pas për t’i bërë i ka bërë paratë. Po pse emigrantët a kanë para për të deklaruar? Emigrantët i kanë para gjaku atje. Kush i lë ata të bëjnë? Kjo është qesharake, kjo është thjesht një ide për të pastruar disa para, ndonjë evasion fiskal ose ndonjë trafikant droge i cili merret me ndërtime në Shqipëri dhe do të bëjë ndonje pastrim parash edhe amnisti fiskale që bën një marrëveshje me qeverinë edhe kaq. Po nuk është kjo amnisti fiskale që do të përfitojë vertëtë ai që ka shitur 5 kile sheqer dhe oriz edhe nuk ka deklaruar tatimin te kjo drejtoresha e tatimeve që po heq të gjithë njerëzit nga puna. Kjo është qesharake, absurditet, mashtrim, si konferenca e donatorëve.

T’iu bëj një pyetje, pse nuk pyesni se çfarë u bë me këtë konferencën e donatorëve që mori ky  1 miliardë dhe 150 milionë dollarë? Ku i ka këto lekët e donatorëve? Sot thoshte një familje jetojmë 6 veta në një shtëpi që do na shembet nga tërmeti. A është ndërtuar ndonjë shtëpi nga tërmeti?}", është shprehur Kryemadhi.