Edi Rama ka vizituar sot një depo farmaceutike ilacesh, duke thënë se në të po ruhen barnat, e se ambientet janë te standardeve europiane.

Rama deklaroi se nëse deri dje, ilaçet shiteshin nëpër farmaci pranë QSUT sa frëngu pulën, sot barnat janë në një depo të standardeve më të mira.

‘Deri dje pa asnjë sistem e garanci për barnat, që mungonin në spital dhe shiteshin sa ‘frëngu pulën’ farmacive të mbira si kërpudhat rrotull QSUT, ndërsa sot me një depo moderne barnash të standardeve europiane, që garanton sistemin e furnizimit, sigurinë e medikamenteve, transparencën e konsumit të tyre për pacientët e QSUT’, shkruan Rama në postimin e tij.

Por teksa Rama krenohej me çmimet e ilaçeve, në kohën kur asnjë shqiptar nuk di që çmimet e tyre të jenë ulur, një lajm u bë viral në media.

Një fëmijë 4-vjeç nga një fshat i Elbasanit është transportuar në QSUT pasi ka pësua djegie të rëndë pas kontaktit me ujë të nxehtë në shtëpi.

Babai i fëmijës, Pëllumb Kurti kërkoi ndihmë për të blerë ilaçet për vajzën e vogël, teksa u shpreh se ilaçet kushtojnë 600 mijë lekë të vjetra.

‘Unë nuk kam të ardhura. I bëj thirrje kryeministrit sa më shpejt, se po më vdes fëmija në spital

Doktoresha ma dha recetën, më tha ik, dhe tha nuk ka mundësi ku t’i gjej. Ajo po përpiqet kashtë mase, por nuk është faji i saj. Por fëmija po nuk mori këto ilaçe, bëjnë 600 mijë lekë. Fëmija u dogj me ujë të nxehtë. Unë jam Pëllumb Kurti Vajza ime është Bukurie Kurti. Dua të më shërohet sa më shpejt fëmija. Vijmë nga Elbasani’, tha Kurti për mediat.