Manjani mbështet ‘tryezën me letra çarçaf’: Kush më shumë se zullumqari ka frikë nga kartat e hapura?

Premte, 22 May 2020 20:15

Pas propozimit të Ramës për një ‘tryezë me karta të hapura’ në lidhje me integrimin, ka reaguar edhe ish- ministri i drejtësisë, Ylli Manjani.

Nëpërmjet një postimi në Facebook, Manjani sygjeron se ku ka më mirë se tja plasësh në fytyrë letrat e hapura të zullumeve që ka bërë Rama.

 
 
 

Gjithashtu ish-ministri fton opozitën zyrtare dhe presidentin ta pranojnë këtë propozim, pasi thotë se integrim nuk bëhet veç e veç, por të gjithë bashkë, pavarësisht roleve politike.

 
 
 

Postimi i plotë:

 
 

Sugjerim:

Do tryezë me karta të hapura Bosi?!

Shumë mirë!

Të hapura që çke me të.

Po të ma dëgjonin këtë këshillë Presidenti dhe Opozita zyrtare, duhet të ulen menjëherë në atë tryezë.

Tani, pa humbur asnjë sekond kohë.

Në një zyrë shteti.

Me letra të hapura çarçaf.

Ku ma gjen që tja plasësh në fytyrë letrat e hapura të zullumeve që ka bërë. Ooooo sa letra zullumesh ka..!

Ku më mirë sesa ballazi dhe burrërisht i lexohen letrat e hapura zotnisë që nuk njeh asnjë letër?!

Përse hezitohet?! Jeni ulur me letra të mbyllura e pa letra fare, përse jo me letra të hapura?!

Aty ballazi i bëhen me dije edhe zullumet e drejtësisë edhe të zgjedhjeve. Kartat tona i ka hapur gjithë europa. I ka hapur media. I hapi BILD, RAI, Frankfurter Allgemeine Zeitung, Stern etj, pse jo opozita?! Pse jo Presidenti?!

Kush më shumë se zullumqari ka frikë nga letrat e hapura?!

Opozitën nuk e ndalon askush edhe të mbështesë protestën e Aleancës së Teatrit edhe të ulet në tryezën e kartave të hapura.

Aty në tryezë propozohet dhe ideja oër rindërtimin e teatrit si në origjinal dhe në po atë vend. Aty në tryezë thuhen të gjitha edhe për zgjedhjet edhe për drejtësinë. Mbase dhe merret ndo jë vendim. Por edhe po s'u mor, të paktën gjërat thuhen ballazi, qoftë dge për ti dalë borxhit njëri-tjetrit burrërisht.

Nuk i besoj asnjë fjale që sundimtari thotë, por ftesa për të folur me karta të hapura në parim qëndron.

Integrim nuk bëhet veç e veç, por të gjithë bashkë, pavarësisht roleve politike. Ky është parim, jo dëshirë personale.

Por edhe nëse e ka bllof ftesën e kartave të hapura, e vetmja mënyrë për ta provuar është duke u paraqitur me karta të hapura në tryezë. Mundësisht edhe me propozime për zgjidhje.

Tryeza është vendi i punës për çdo politikan, me thënë të drejtën. Kur është dhe e hapur, që ta shohim dhe ne, akoma më mirë.

 
 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Thaçi selfie me Ramën: Me Edin si çdoherë, pa protokoll...

Politikë

FOTO/ Thaçi selfie me Ramën: Me Edin si çdoherë, pa protokoll...

Gjatë vizitës së tij në Tiranë, presidenti i Kosovës Hashim Thaçi është takuar edhe me kryeministrin Edi Rama. Përmes një postimi në Facebook, kreu i shtetit në Prishtinë shkruan se takimi...

Gjykata e Apelit kthen në detyrë anëtarin e KPA-së, Luan Daci

Aktualitet

Gjykata e Apelit kthen në detyrë anëtarin e KPA-së, Luan Daci

Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e KPA, Luan...

Pas drejtoreshës së Kufirit, arrestohet edhe motra e saj

Aktualitet

Pas drejtoreshës së Kufirit, arrestohet edhe motra e saj

Vazhdojnë arrestimet për grupin e përfshirë në trafikun e emigrantëve nga vendet e Lindjes në Shqipëri, për të vijuar në shtetet e Bashkimit Europian Në kuadër të operacionit “Toka e premtuar”...

Sondazh

Nothing found!

Sondazh

Nothing found!