I ftuar në "Ora 19" në Syri TV, ish-ministri i brendshëm dhe ish-deputeti Flamur Noka ka komentuar situatën me krimin në vend, mbi të gjitha pas atentatit të sotëm në Elbasan dhe pas artikullit të gazetës italiane "Gazzetta Del Mezzogiorno" që e quan Shqipërinë "Meksikën e Europës".

Sipas Nokës, kriminalizimi dhe politizimi ekstrem i Policisë së Shtetit, e ka shndërruar vendin në këtë pikë.

"Policia e Shtetit është katandisur në një situatë shumë, shumë, shumë të keqe. Kemi dy elementë që nuk kanë ekzistuar kurrë: kriminalizim dhe politizim ekstrem. Kriminalizimi, e kemi parë në 2013 e pas. Kanabizimi i Shqipërisë ku u përfshi edhe kupola e policisë, shndërrimi i Shqipërisë në korridor të drogërave të forta dhe shndërrimi i Shqipërisë në laborator droge është një sëmundje që Shqipëria dhe shqiptarët do e vuajnë gjatë.

Pse sot Shqipëria quhet "Meksika e Europës" nga mediat ndërkombëtare?

Për ata që nuk janë të informuar, në fazën e parë ishte Kolumbia, shesh për kultivimin e drogës ndërsa faza e dytë Meksika. Pse? Pazaret e drogës kanë koston e tyre, kanë filluar të vrasin njerëz pa fund. Kjo edhe si pasojë e mbështetjes politike, që e ka kthyer Shqipërinë në kasaphanë. Sot Rilindja e ka strategji.

Në 2104, Rama dhe Tahiri i kanë vënë objektiv policisë: numri i të vrarëve do të jetë 50-55. Gjenden njerëz të vrarë në kanale e vende të tjera, raportohen si të vdekur, jo si të vfrarë për pazare droge. Të gjithë e dinë që janë të vrarë për pazare droge", tha Noka.