Më në fund, Ministria e Arsimit ka reaguar, e detyruar nga protesta e maturantëve, të kontaktojë me ta në orën 14:35.Një maturante njoftoi se një Drejtoreshë e Ministrisë do t'i njoftojë ata për vendimin është marrë nga institucioni, lidhur me provimin problematik të Gjuhë Letërsisë.

Maturantët u hodhën në protestë sepse teza me pyetjet që iu paraqitën atyre nuk kishte lidhje me programin mësimor ndaj ata kërkonin të rishikohej si çështje, pasi ajo notë do të ndikonte në mesataren e tyre të pranimit në universitete. Ata kërkojnë: 1.Një rivlerësim të tezës, se pyetjet janë pa lidhje me programin mësimor 2. Nxjerrja e çelësit të provimeve të mëtejshme brenda 2 orëve pas përfundimit të testit 3. Mosvlerësimi i pyetjeve që ishin jashtë programit që kemi zhvilluar . 4. Nota të jetë 40% nga provimi dhe 60% nga lënda; 5. Për klasat e 12-a të përcaktohet qartë tipologjia e pyetjeve; 6. Zgjerim i pragut të notave nga ana e vlerësuesve.