Ambasadorja e SHBA në Tiranë, Yuri Kim ka reaguar ditën e sotme në lidhje me Byronë Kombëtare të Hetimit.

Sipas saj, disa njerëz menduan se kjo nuk do të krijohej, dhe drejtësia nuk do të vinte, por ‘ëndërra juaj nuk është e vërtetë’, shkruan Kim në Twitter.

Sipas ambasadores së SHBA, Reforma në Drejtësi nuk është e përsosur, por është e domosdoshme për të ecur para.

Mesazhi i plotë i ambasadores Yuri Kim:

Duket sikur disa po ëndërrojnë se BKH nuk do të krijohet kurrë, se drejtësia nuk do të vijë kurrë. Më vjen keq t’jua prish gjumin, por ëndrra juaj nuk do të bëhet realitet. Reforma në drejtësi nuk do të jetë e lehtë, e shpejtë apo e përkryer, por është e nevojshme dhe ne duhet të ecim përpara.