I ftuar në studio e Syri.Tv me moderatoren Armela Ferko, gazetari Aulon Kalaja ka denoncuar si një afer korruptive këtë projekt të financuar nga qeveria shqiptare.
‘Me 1 korrik të 2020, qeveria Rama dhe ministrja Balluku, kanë lancuar një tender me shifër fantastiko shkencore, 1.2 miliard euro për rrugën Milot-Fier për vetëm 115 km rrugë.
Ky lloj shpenzimi dhe debati është luks dhe jo prioritet në këtë kohë krize nga pandemia e COVID-19, si dhe faza e rimëkëmbjes pas tërmetit shkatërrimtar të 26 nëntorit ku njerëzit janë akoma nëpër cadra.
Kjo shifër dhe ky lloj debati është luksoz për situatën ku ndoshet Shqipëria.
Mos harrojmë se 62 km nga ky projekt është rrugë ekzistuese, ku qytetarët kalojnë pa pagesë.
Qeveria po ruan anonimatin e firmës që është paracaktuar të fitojë tenderin e rrugës Milot-Fier, ku sipas gazetarit firma ka bashkëpunuar me qeverinë dhe sipas Kalasë është kompania greke dhe quhet ‘Terna’.
