Pak ditë më parë, ishte ministrja e Arsimit Besa Shahini e cila deklaroi se do të largohej nga Shqipëria me mbarimin e mandatit qeverisës. Sot gjithashtu, sinjale të qarta dha edhe ministri i Brendshëm Sandër Lleshaj, nga Vlora, kur deklaroi se “është e sigurt se s’do të jem më ministër”.
Por këto deklarata, që vijnë në një kohë që fushata zgjedhore ka ndezur motorët në prag të zgjedhjeve të ardhshme parlamentare, të dekretuara nga Presidenti Meta, për t’u mbajtur në 25 prill 2021, për akademikun Artan Fuga janë një komedi.

Madje në një postim në rrjetet sociale, Fuga shkon më tej duke i krahasuar me një “vetëvrasjesh” simbolike si e shokut Mehmet’.

“Si lloj “vetëvrasjesh” simbolike si e shokut Mehmet, ego e paparë, imagjinoj t’i kenë thënë shefit të tyre: Mirë na hiq, por na lër që këtyre budallenjve t’ua hedhim hirin turinjve, e të bëjmë sikur ikëm vetë!”

“Po aman, o, ikni kur t’ju heqin, pse na hapni barkun se na preu ne se a ikët apo jo ju, ikni modestisht pa deklarime, jo kështu jo ashtu, a thua se do të thotë njeri : uaaaaa si e hoqën!!!

Ikni o në heshtje, prisni deklarimin, është më e hijëshme, më e bukur, më dinjitoze. Miqësisht e them!”, shkruan Fuga.

POSTIMI I PLOTE

Cfarë komedie!

Me ministra e ministresha që vetëdeklarohen se do ikin me argumenta metafizike, familja, siguria, eterniteti, e më the e të thashë!

Si lloj “vetëvrasjesh” simbolike si e shokut Mehmet, ego e paparë, imagjinoj t’i kenë thënë shefit të tyre: Mirë na hiq, por na lër që këtyre budallenjve t’ua hedhim hirin turinjve, e të bëjmë sikur ikëm vetë!

Ne nuk jemi Turi!

Cfarë sadomazokizmi, jo vetëm që jeni të pushuar, por edhe të vetdklaroni paraprakisht vetëpushimin!

Cfarë qejfi me veten!

Po aman, o, ikni kur t’ju heqin, pse na hapni barkun se na preu ne se a ikët apo jo ju, ikni modestisht pa deklarime, jo kështu jo ashtu, a thua se do të thotë njeri : uaaaaa si e hoqën!!!

Ikni o në heshtje, prisni deklarimin, është më e hijëshme, më e bukur, më dinjitoze. Miqësisht e them!

Cfare keni? Një qytetar vjen, punon, ikën! Pse eksitoheni? Shkoni në punët tuaja! Ju kemi rixha!

Kaq mo, nuk jeni as Beqiri, as Kadriu, as Mari Kyria!

Si nuk u mërzitët xhanëm!