Presidenti Ilir Meta konferencën e sotme e ka nisur me çështjet ku Shqipëria është paditur në Gjykatat Ndërkombëtare dhe detyrimet që ka ose mund të ketë për t’i paguar në shifra miliona euro.

Nga ana tjetër Meta thekson se po sheh çdo kërkesë të shtetit shqiptar për të marrë borxh në institucionet financiare ndërkombëtare.

Ai i bën thirrje qeverisë që të jetë transparente dhe të mbrojë interesat e taksapaguesve, dhe nga ana tjetër thekson se shteti s’mund të marrë borxhe pa fund për të shlyer dëmet nga korrupsioni i kryeministrit dhe ministrave apo vartësve të tij.

”Vetëm dje BERZH bëri një parashikim të zymtë, më negativi për rajonin. Parashikimi -9%, shumë më i lartë në krahasim të tjerë. 2-fishi i vendeve të tjera. Bëj thirrje qeverisë dhe avokaturës së shtetit, që është në varësi të kryeministrit, edhe MFE, të bëjnë transparencë, të mbrojnë interesat e taksapaguesve. Po shoh çdo kërkesë për të marrë borxhe në institucionet ndërkombëtare financiare. Shteti shqiptar s’mund të marrë borxhe pa fund, për të shlyer dëme jo nga shteti por nga korrupsioni të kryeministrit dhe vartësve të tij.

Kushtetuta në nenin 92 të saj, që të gjithë drejtuesit e insticioneve duhet të japin informacion për detyrat ndaj kreut të shtetit.”- tha Meta.