Në situatën ku është sot globi,shteti i Kuvajtit ka humbur Emirin e tij Sabah Al-Ahmad Al-Sabah,liderin e tij të dekadave të rëndësishme që e çoi popullin e Kuvajtit në epiqendrën e politikës botërore. Kjo jo vetëm për pasuritë natyrore të atij vendi që ja ka dhënë zoti dhuratë por lidershipi vizionar i Emirit Sabah Al-Ahmad Al-Sabah e drejtoi popullin kuvajtian drejt hapësirave gjithë dritë të së ardhmes dhe jo drejt erresirave historike ku të çon interpretimi i gabuar politik i religjionit . Por jo vetëm populli i Kuvajtit por edhe Lindja e Mesme humbi një njeri të një diplomacie elegante e cila është treguar në momente jo pak të vështira sic ishte pushtimi Kuvajtit nga Iraku .
Njerëz të tillë bëjnë historinë jo vetëm të kombit të tyre, por me karakterin, dijen, kurajon lënë gjurmë dhe në historinë e njerëzimit .

Sheikh Sabah kishte drejtuar vendin prodhues të naftës dhe aleatin e Shteteve të Bashkuara, që nga viti 2006. Ai ka drejtuar politikën e tij të jashtme për më shumë se 50 vjet. Pasardhësi i tij i caktuar është vëllai i tij, Princi i Kurorës Sheikh Nawaf al-Ahmad al-Sabah.

Kriza më e madhe në Kuvajt ndodhi më 1990, kur diktatori irakian, Saddam Hussein e pushtoi atë për shtatë muaj. Në shkurt të vitit 1991, trupat amerikane dhe aleatët e tyre ndërhyn në Kuvajt, duke mundur shpejt ushtrinë irakiane dhe duke çliruar vendin.

Edhe para se ushtria amerikane të hynte në Kuvajt, Sheikh Sabah dhe të tjerët filluan të kërkojnë një prani të përhershme amerikane në rajon, për të cilën ata thonin se mund t'u siguronte mbrojtje nga Iraku dhe të tjerët.