Teknologjia e rrjetit 5G/ Kosova fillon zbatimin e marrëveshjes së Washingtonit

Diel, 18 October 2020 14:58

 

Kosova ka filluar zbatimin e një pikë të marrëveshjes së nënshkruar në Shtëpinë e Bardhë në Washington më 4 shtator.

Kjo ka të bëjë me rrjetin 5G dhe përdorimin e pajisjeve të teknologjisë nga shitës të sigurt.

 

“Të dyja palët do të ndalojnë përdorimin e pajisjeve 5G, të siguruara nga shitës të pabesueshëm, në rrjetet e tyre të komunikimit. Aty ku tashmë ka pajisje të tilla, të dyja palët angazhohen për heqjen e tyre dhe përpjekje tjera të ndërmjetësimit në kohën e duhur”, thuhet në njërën nga pikat e kësaj marrëveshje, shkruan tg.
Sipas Qeverisë, Kosova do të ndalojë përdorimin e pajisjeve 5G, të siguruara nga shitës të pabesueshëm për rrjetet e komunikimit.

“Kosova do të ndalojë përdorimin e pajisjeve 5G, të siguruara nga shitës të pabesueshëm, në rrjetet e tyre të komunikimit. Aty ku mund të ketë pajisje të tilla, institucionet përkatëse të vendit do të angazhohen për heqjen e tyre”, thuhet në njoftimin e Qeverisë së Kosovës, përcjell Telegrafi, pas takimit të kryeministrit Avdullah Hoti me përfaqësuesit e Autoritetit Rregullativ të Komunikimeve Elektronike dhe Postare.

Lidhur me këtë, ambasadori amerikan në Prishtinë, Philip Kosnett, ka përgëzuar Kosovën, që siç ka thënë, është siguruar se rrjetet e saj të gjeneratës së pestë të komunikimeve, janë në rrugë të pastër nga ofrues që nuk u besohet dhe në linjë me marrëveshjen Washingtonit.

“Ne e përgëzojmë Kosovën për sigurimin që rrjetet e saj 5G janë në një rrugë të pastër, jo nga shitës të pabesueshëm, në përputhje me Marrëveshjet e Uashingtonit. Ne do të vazhdojmë të punojmë së bashku drejt integrimit të sigurt të komunikimit rajonal dhe zgjerimit të ekonomisë dixhitale të Kosovës”, ka thënë Kosnett përmes një shkrimi në Tëitter.

Në Kosovë dhe Shqipëri teknologjia 5G nuk është ende në dispozicion për përdoruesit e telefonave të mençur dhe as nuk janë kryer procedurat për lëshimin e licencave për përdorimin e radio- frekuencave të nevojshme.

Në memorandumin e nënshkruar më 2 tetor në Tiranë gjatë mbledhjes së përbashkët të qeverive, Kosova dhe Shqipëria u pajtuan që të bashkëpunojnë në hartimin e politikave dhe programeve të zhvillimit të rrjeteve 5G, në përcaktimin e standardeve për rrjete të sigurta bazuar në praktikat më të mira të Bashkimit Evropian dhe organizatave tjera ndërkombëtare.

Memorandumi ndërmjet Kosovës dhe Shqipërisë për formimin e një korridori digjital 5G fillimisht parasheh të mbulojë me këto shërbime Rrugën e Kombit, përkatësisht autostradën Ibrahim Rugova.

Shtetet e Bashkuara të Amerikës janë duke komunikuar me shumë vende në botë, për të kundërshtuar bashkëpunimin e tyre me kompaninë kineze Huaëei dhe rrjetin e saj 5G.

Ëashingtoni e ka vendosur këtë kompani në “listën e zezë”, pasi vlerëson se ajo paraqet rrezik për sigurinë kombëtare dhe e përdorë teknologjinë e saj për të spiunuar në emër të Qeverisë kineze.

Rrjeti 5G paraqet gjeneratën e fundit të lidhjes së telefonave të mençur me internet dhe ofron shpejtësi më të madhe në shkarkimet e shumëfishta, sesa ekziston aktualisht. Kjo teknologji, filloi të vendoset botërisht në vitin 2019.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Alibeaj: Çdo javë lind një skandal i ri, i cili i zë vend skandalit të mëparshëm

Politikë

Alibeaj: Çdo javë lind një skandal i ri, i cili i zë vend skandalit të mëparshëm

  I ftuar në Tempora në RTV Ora, ish-deputeti i PD, Enkelejd Alibeaj, u shpreh se skandalet e kësaj qeverie ka qenë aq të shumta sa opozita e ka patur të...

Çështja e detit në Hagë, ish-ministrja e LSI: Nxjerrë në pah se ku qëndron ngërçi i bisedimeve, Rama me dy fytyra

Politikë

Çështja e detit në Hagë, ish-ministrja e LSI: Nxjerrë në pah se ku qëndron ngërçi i bisedimeve, Rama me dy fytyra

  Ish-ministrja e Integrimit, Klajda Gjosha ka reaguar në lidhje me marrëveshjen e detit mes Greqisë dhe Shqipërisë, ku çështja do të shkojë në Gjykata e Hagës. Përmes një mesazhi në ‘Facebook’...

Spahiu: Bashkia e Tiranës është kthyer në abuzuesen më të madhe të fondeve publike dhe taksave të rritura

Politikë

Spahiu: Bashkia e Tiranës është kthyer në abuzuesen më të madhe të fondeve publike dhe taksave të rritura

  Eksperti i ekonomisë njëherësh dhe kryetar i Lëvizjes Socialiste për Integrim për Tiranën, Përparim Spahiu deklaron se përmes reformës territoriale, Bashkitë, sidomos kjo e Tiranës, janë kthyer në abuzuesit më...