Çuditë e Inceneratorëve/ QKB zbulon skandalin, fituan miliarda sapo u krijuan

Diel, 18 October 2020 16:22

 

Incineratorët janë kthyer në debatin kryesor mes partive politike në prag të zgjedhjeve të 25 prillit.

Në fakt rezulton se një rrjet kompanish të vogla në bashkëpunim më njëra tjetrën janë fitues të tre koncesioneve të inceneratorëve në Shqipëri.

Impianti i parë i përpunimit të mbetjeve është ai i elbasanit i cili daton që në dhjetor të vitit 2014. Kompania e përzgjedhur për këtë koncesion është “Albtek Energy”, e regjistruar në Qendrën Kombëtare të Biznesit në korrik të po atij viti. Pra vetëm pak muaj nga shpallja fituese.

Për një periudhë 7 vjeçare, kompania nën administrimin dhe pronësinë e Stela Gugallja mori të drejtën të kryej një investim prej 21 milionë e 600 mijë euro.

Impianti i dytë i përpunimit të mbetjeve është ai i i Fierit, kontrata e të cilit është lidhur në 30 nëntor të vitit 2016. Fitues i tij u shpall “Integrated Technology Waste Treatment Fier”, e regjistruar në QKR me 5 tetor të po atij viti, pra një muaj para se të shpallej fituese.

Me një kohëzgjatje prej 6 vjetësh vlera e investimit parashikohej në 3.72 miliardë lekë.

Në këtë kompani rezultojnë aksionere dy subjekte të tjera, “Integrated Technology Services” me 70% dhe ndertim montimi patos me 30%.

Sipas të dhënave Klodian Zoto zotëron 100% të aksioneve të kompanisë “Integrated Technology Services” ndërkohë që ndërtim montimi patos rezulton të ketë shtuar objektin e aktivitetit të tij dhe përpunimin e mbetjeve, veprim i kryer në shtator të vitit 2015.

Nga ana tjetër, inceneratori i tretë, ai i Tiranës ka një kohëzgjatje prej 30 vjetësh të cilin e ka fituar kompania “Integrated Energy BV SPV”.

Sipas të dhënave ky subjekt është regjistruar në QKR në datën 31 gusht 2017 dhe kontrata është lidhur në po të njëjtën datë sipas të dhënave të publikuara nga ministria e financave.

Në një raport të ministrisë së financave bëhet e ditur se vlera e këtij investimi është 17.1 miliardë lekë.

“Integrated Energy BV SPV” është në administrimin e Arjola Kodra dhe Giuseppe Ciaffaglione ndërkohë që ortaku i vetëm rezulton kompania “Integrated Energy BV”.

Për këtë të fundit thuhet se është kompani gjermane, ndërsa edhe sipas opozitës, pronarët nuk i dihen.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Alibeaj: Çdo javë lind një skandal i ri, i cili i zë vend skandalit të mëparshëm

Politikë

Alibeaj: Çdo javë lind një skandal i ri, i cili i zë vend skandalit të mëparshëm

  I ftuar në Tempora në RTV Ora, ish-deputeti i PD, Enkelejd Alibeaj, u shpreh se skandalet e kësaj qeverie ka qenë aq të shumta sa opozita e ka patur të...

Çështja e detit në Hagë, ish-ministrja e LSI: Nxjerrë në pah se ku qëndron ngërçi i bisedimeve, Rama me dy fytyra

Politikë

Çështja e detit në Hagë, ish-ministrja e LSI: Nxjerrë në pah se ku qëndron ngërçi i bisedimeve, Rama me dy fytyra

  Ish-ministrja e Integrimit, Klajda Gjosha ka reaguar në lidhje me marrëveshjen e detit mes Greqisë dhe Shqipërisë, ku çështja do të shkojë në Gjykata e Hagës. Përmes një mesazhi në ‘Facebook’...

Spahiu: Bashkia e Tiranës është kthyer në abuzuesen më të madhe të fondeve publike dhe taksave të rritura

Politikë

Spahiu: Bashkia e Tiranës është kthyer në abuzuesen më të madhe të fondeve publike dhe taksave të rritura

  Eksperti i ekonomisë njëherësh dhe kryetar i Lëvizjes Socialiste për Integrim për Tiranën, Përparim Spahiu deklaron se përmes reformës territoriale, Bashkitë, sidomos kjo e Tiranës, janë kthyer në abuzuesit më...