Presidenti i Republikës, Ilir Meta shpreh ngushëllimet pas sulmit terrorist në Nisë të Francës.
Teksa i konsideron akte barbare që synojnë të mbjellin frikë dhe terror, kreu i Shtetit thotë se shpreh solidaritetin me popullin francez.
Reagimi i plotë:
Shumë i tronditur nga sulmi i sotëm terrorist në Nisë.
Ngushëllimet më të sinqerta për familjarët e viktimave dhe shërim sa më të shpejtë të gjithë të lënduarve.
Dënoj me forcë sulmin dhe solidarizohem me popullin mik francez, Presidentin Macron, si dhe me autoritetet franceze në përballje me këto akte barbare që synojnë të mbjellin frikë e terror.