Kreu demokrat, Lulzim Basha, u shpreh mbrëmjen e sotme në Real Story, se në vitin 2020 duhej të ishin dënuar urdhëruesit e krimeve ndaj shqiptarëve të Kosovës, që sot janë njerëz të rëndësishëm në Beograd. Basha tha se një nga këto është edhe Presidenti Aleksandar Vuçiç.

Lidhur me akuzat ndaj tij të Kryeministrit Edi Rama, Basha tha se po i hapet Serbisë një shteg që s´duhej ti hapej.

“Ka një rehabilitim të Beogradit në mënyrë të pamerituar, nuk ka ndjesë prej tyre për krimet që kanë kryer”, tha Basha.
Kreu demokrat u shpreh se raporti i Dick Marty u cilësua një raport i fallsifikuar dhe Tirana zyrtare, PS dhe PD u bashkuan në Kuvend, dhe u rrëzuan akuzat e rreme të tij.

“Kur ke përballë një makineri shpifjesh, ne sëbashku me aleatët tanë strategjikë, miratuam një dokument, që më pas njësia Task Force e Eulex, i hoqshi poshtë.

Për shtëpinë e verdhë, flet Ministria e Jashtme ruse dhe Kryeministri Edi Rama, madje as Beogradi zyrtar nuk po flet.

Rama firmoste me Vuçiç një marrëveshje online, në një kohë kur ish-drejtuesit e UÇK ndodheshin në Gjzkatën në Hagë. Kjo është tradhëti që Rama i ka bërë Kosovës”, tha Basha.