Vjosa Osmani presion mbi institucionet e sigurisë për shtetësinë e Ditmir Bushatit, pritet aderimi i tij në Vetëvendosje

E mërkurë, 13 Janar 2021 17:25


Ish-ministri i Punëve të Jashtme të Shqipërisë, Ditmir Bushati, pas një fushate të gjatë kundër establishmentit në Prishtinë dhe mitizimit të Albin Kurtit, këto ditë pritet të aderojë në Lëvizjen Vetëvendosje, shkruan Gazeta Metro.

Aderimi i Bushatit në Lëvizjen Vetëvendosje është shtyrë deri më tani, meqë ai nuk e posedon shtetësinë e Kosovës.


Por, pas shkuarjes së presidentit Thaci në Hagë dhe zëvendësimit të tij nga Vjosa Osmani, kjo gjë si duket tashmë është cështje ditësh.

Për ta zyrtarizuar aderimin e Bushatit në Lëvizjen Vetëvendosje, burimet e Gazetës Metro tregojnë se Vjosa Osmani është duke bërë presion mbi institucionet e sigurisë që t’i përshpejtojnë procedurat e verifikimit për Ditmir Bushatin, të cilat janë parakusht për t’ia dhënë atij nënshtetësinë e Kosovës.

“z. Bushati tashmë e ka bërë kërkesën në Presidencë për nënshtetësi të Kosovës. U.d e Presidentës është duke u marrë personalisht me këtë ceshtje dhe u ka kërkuar institucioneve të sigurisë që t’i kryejnë procedurat e verifikimit të tij me procedura të përshpejtuara, që ajo të mund t’ia nënshkruaj atij dekretin. Për shtetësinë e Bushatit ditë më parë janë interesuar edhe zyrtarë të Grupit Parlamentar të Vetëvendosjes në Presidencë, të cilët kanë diskutuar me kabinetin e u.d. Presidentes“, ka thënë një burim i Gazetës Metro brenda Presidencës.

Sipas këtij burimi, Vjosa Osmani po e keqpërdor pozitën si u.d Presidente për t’ia bërë këtë edhe si favor Albin Kurtit, duke e paijsur me nënshtetësi Ditmir Bushatin, i cili pritet të aderojë më pas në Lëvizjen Vetëvendosje.

Si duket qëllimi politik i Kurtit, duke e katapultuar Ditmir Bushatin në Lëvizjen Vetëvendosje, është që njëkohësisht ta dëmtojë pozicionin e Glauk Konjufcës, i cili në publik ka filluar të shihet si rival i brendshëm i tij.

Konjufca kishte fituar simpati në publik sa kishte shërbyer si kryediplomat i Kosovës dhe popullariteti i tij është duke u rritur./g

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Në 85-vjetorin e lindjes/ Luan Rama poston foton: Dhimitër Anagnosti, fisniku i madh i filmit shqiptar

Politikë

Në 85-vjetorin e lindjes/ Luan Rama poston foton: Dhimitër Anagnosti, fisniku i madh i filmit shqiptar

  Sot, regjisori Dhimitër Anagnosti mbushi 85 vjeç, duke u dekoruar nga presidenti Meta me dekoratën “Gjergj Kastiroti Skënderbeu”. Luan Rama ka postuar një foto me regjisorin e njohur, duke u shprehur...

Shehaj reagon ndaj Veliajt: Jo lali jo, nuk është media, por është Antimafia Italiane

Politikë

Shehaj reagon ndaj Veliajt: Jo lali jo, nuk është media, por është Antimafia Italiane

  Nënkryetarja e Lëvizjes Socialiste për Integrim, Brisida Shehaj, ka reaguar lidhur me deklaratat e kryebashkiakut të Tiranës Erion Veliaj, për çështjen e përgjimeve të Antimafias Italiane. Reagimi i Shehajt   Fundi i botës: Lali...

Kontjana Kuçi: Durrësi nuk do të jetë më i mafias dhe zuzarëve. LSI shkon besimplotë drejt fitores

Politikë

Kontjana Kuçi: Durrësi nuk do të jetë më i mafias dhe zuzarëve. LSI shkon besimplotë drejt fitores

  Kryetarja e LSI Durrës, Kontjana Kuçi, deklaron se banorët e qytetit bregdetar ndihen të zhvatur nga qeveria. Ajo rendit ndër problematikat kryesore të ngritura në takimet e përditshme me qytetarët...