Prokurorët e Posaçëm Anti Korrupsion po administrojnë shkresa në Bashkinë e Tiranës, për të zbuluar më shumë rreth përgjimeve të grupit mafioz Ndrangehta, shkruan Faktor.al.
Hapi tjetër i Prokurorisë së Posaçme pritet të jetë marrja në pyetje e personave, emrat e të cilëve dalin në përgjimet e prokurorisë italiane
Jo vetëm kaq. SPAK po heton Bashkinë e Tiranës për shpërdorim detyre në investime. Kryebashkiaku i Tiranës dhe bashkia që ai drejton, sipas KLSH-së, ka realizim minimal për detyrimet për shërbimin e borxhit ndaj Ministrisë së Financave dhe Ekonomisë për nën-huatë e marra për zhvillimin e disa projekteve.
Dosja në SPAK ka shkuar për dijeni edhe në Ambasadën Amerikane në Tiranë, që monitoron punën e organeve hetimore.
Pak ditë më parë u bë e ditur se një drejtor shumë i rëndësishëm i Bashkisë së Tiranës është kapur në përgjimet e Ndranghetës.
