Një ”përplasje” në distancë ka ndodhur mes kryeministrit Edi Rama dhe ministrit gjerman të Shëndetësisë, Jens Spahn. Gjithçka ka nisur pas një deklaratë nga ky i fundit, kur tha se Ballkani është një vatër infeksioni nga Covid-19.
Pjesë e debatit është përfshirë edhe këshillari Ekonomik pranë CDU, Martin Henze, i cili thotë se Edi Rama dhe qeveria e tij është përgjegjëse për kaosin e shkaktuar nga pandemia, si dhe ka shtuar se qytetarët po vaksinohen me vaksina të pacertifikuara.
”Rama miku im, ju jeni politikisht përgjegjës për pandeminë e pakontrolluar në Shqipëri, për kaosin, përdorimin e vaksinave të paçertifikuara, njerëzit që vdiqën. Sulmi i tyre ndaj Ministrit tonë të Shëndetësisë bazohet në çmendurinë e tyre politike”,-shkruan Henze në Twitter
