Flamur Noka: Berisha u rikthye për drejtimin e PD-së, Kuvendi do të mblidhet brenda vitit

Premte, 15 October 2021 08:49

 

Flamur Noka, ka pasur një lidhje direkte me emisionin “Të Paekspozuarit” në MCN TV, ku folur për aksionin e Sali Berishës në bazë, duke zbuluar se vetë Berisha do të synojë drejtimin e Partisë Demokratike.

Noka tha se janë tejkaluar firmat e nevojshme për të mbledhur Kuvendin e partisë dhe se gjithçka do të bëhet sipas statutit.

Flamur Noka deklaron se Kuvendi Kombëtar i PD do të tentohet të mblidhet brenda vitit.

Pjesë nga biseda:

 

Arjan Çani: Flamur, meqë je shumë afër Berishës tani, kur mendon se jeni gati të mblidhet Kuvendi? Sipas teje, Berisha a e synon postin e kryetarit të PD, apo do të luftojë për primare? Ka errësirë informative.

Flamur Noka: S’ka pikë errësire në projektin e Foltores. Kuvendi do të mblidhet. Ne po operojmë në bazë të statutit, duke respektuar të gjithë normat. Vazhdon Foltorja nëpër qytete, vazhdon mbledhja e firmave. Numri i nevojshëm statuorë, ka kohë që është kaluar. Është proces. Këto janë faza që do të ezaurohen. Foltorja do të ezaurohet deri në përfundim të takimeve. Pastaj, sipas statutit do të njoftohet selia dhe do të thirret Kuvendi Kombëtar.

Arjan Çani: Brenda vitit apo nga viti tjetër?

Flamur Noka: Do të synojmë brenda këtij viti. Sali Berisha ka bërë më dije dy pika. E para, rikthimin e tij dhe e keni parë. Rikthimi i Berishës, nuk është rikthim thjesht si deputet dhe anëtar. Rikthimi i Berishës është rikthim në drejtim. Berisha ka bërë me dije që primaret do të jenë prioritet absolut. Do të ketë proces hapje. Janë fazat.

Arjan Çani: Thua Berisha e ka shpallur synimin për drejtimin e partisë dhe do të ketë edhe primare?

Flamur Noka: E drejta për të marrë pjesë në një garë sipas statutit të PD, është e drejta e cdo anëtari që përmbush kritere. Berisha i përmbush të gjithë kriteret.

Arjan Çani: Berisha do të garojë për postin e kryetarit?

Flamur Noka: Jemi në faza të tjera, nuk kemi arritur në pikën që do të diskutojmë këto. Zhvillimet janë fitore, tregojnë shumë. Siç tregoi shumë estrada në parlament, që njëri bënte të nxehurin dhe tjetri sikur i kthente përgjigje.

Arjan Çani: Morëm vesh që Garda e Republikës, shtoi edhe Bashën në ruajtje. Çfarë do të thotë kjo sipas teje? Kur të shkoni te selia do të përballeni me Gardën apo jo?

Flamur Noka: Pyet Lulzim Bashën, se kjo nuk ka lidhje fare me ne, as me Foltoren dhe misionin e Foltores. Misioni i foltores është statuti

Lajmet e fundit

Ç’ndodh me portin e Durrësit/ Media gjermane: Kompania fiktive dhe lidhjet e errëta

Politikë

Ç’ndodh me portin e Durrësit/ Media gjermane: Kompania fiktive dhe lidhjet e errëta

  “Përshkallëzohet drama në portin e Durrësit. Detaje të reja mbi kompaninë fiktive kroate dhe lidhje të mundshme kriminale”. Me këtë titull e përditshmja gjermane “Focus Online” i ka kushtuar vëmendje...

'Rinia iku, kryehajduti godet pensionistët', Hajderasi: Ku e gjeni buxhetin për kupolën tuaj kriminale?

Politikë

'Rinia iku, kryehajduti godet pensionistët', Hajderasi: Ku e gjeni buxhetin për kupolën tuaj kriminale?

  Nga Rruga e Shpresës, në tubimin qytetar, anëtarja e FRPD, Alda Hajderasi tha se Edi Rama, pasi largoi rininë, ka filluar të godasë ata që kanë ngelur, pensionistët. SPAK pse nuk...

'Takimi me shqiptarët në Londër', Lela: Atdheu që keni lënë, nuk është ai që Edi Rama dhe Taulant Balla ju paraqesin

Politikë

'Takimi me shqiptarët në Londër', Lela: Atdheu që keni lënë, nuk është ai që Edi Rama dhe Taulant Balla ju paraqesin

  Shqiptarët që jetojnë në Britaninë e Madhe i janë përgjigjur masivisht ftesës së bërë nga kryetari i PD-së, Sali Berisha për një takim në Londër.  Drejtori i komunikimit në PD, Alfred...