Vizita e Sulltanit Erdogan, masat ekstreme të pashait Rama/ Flamuj turq e bllokime rrugësh

Hënë, 17 Janar 2022 09:28

 

Autoritetet shqiptare ka marrë masa ekstreme lidhur me vizitën e Presidentit turk, Recep Tayip Erdogan, i cili po vjen si Sulltan në vilajetin e Shqipërisë, me Pasha Edi Ramën.

Në kuadër të vizitës zyrtare të Erdogan, Policia e Shtetit ka marrë masa të rrepta sigurie dhe për pasojë do bllokohen disa akse rrugore në vend.

Bazuar në informacionet zyrtare, masat që janë marrë, nuk janë aplikuar në Shqipëri në asnjë prej vizitave të zyrtarëve më të lartë botërorë, qofshin kancelarë apo Presidentë. Madje në disa aspekte, ato tejkalojnë edhe masat që u morën gjatë vizitës së parë dhe të vetme të një Presidenti amerikan në Shqipëri.

Nuk dihet sepse në vizitën e Erdogan në Shqipëri po aplikohen masa ekstreme, të cilat me shumë gjasa janë ndërmarrë për të treguar përulësinë e Kryeministrit, që po vepron si një Pasha i emëruar nga Sulltani, se sa realisht mund të ketë ndonjë rrezik potent për jetën e vizitorit.

Për nder të Erdoganit, që po trajtohet si Sulltan nga Pashai, rrugët e Laçit të Kurbinit janë veshur me flamuj të Shqipërisë dhe Turqisë.

Në kuadrin e masave të sigurisë, Policia e Shtetit ka bllokuar disa akse rrugësh, madje iu ka drejtuar një apel qytetarëve që do të udhëtojnë jashtë vendit të mbërrijnë në aeroportin ndërkombëtar ‘Nënë Tereza’ përpara orareve të kufizimit, përkatësisht përpara orës 08:30 të mëngjesit të 17 Janarit.

Referuar të dhënave në faqen e aeroportit të Rinasit, të hënën duke nisur nga ora 07:00 deri në 14:30 janë planifikuar 13 fluturime në nisje dhe 13 në mbërritje, të cilat nuk do preken, por mund të ketë vështirësi për lëvizjen e udhëtarëve drejt Rinasit që këshillohet të mbërrijnë në aeroport më herët.
Aeroporti i Rinasit dhe akset që lidhin kryeqytetin me të do të jenë prej mesditën e se dielës nën masa të larta sigurie ndërsa kufizimet do të preknin autostradën me drejtim Rinas-Vorë-Tiranë, Rrugën e Durrësit dhe Bulevardin Dëshmorët e Kombit ditën e hënë paradite. Rrugët në të cilat do të ndalohet tërësisht qarkullimi janë Milot-Vorë-Milot nga 07:00 deri në 14 për kamionët dhe makinat. Kurse nga 08:30 deri në 12:30 ndalohet mbikalimi Laçit si dhe Rinas-Vorë-Rinas nga ora 08:30 deri në ora 10:00. Bllokime do të kenë edhe akset në Tiranë, autostrada e Rinasi, Rruga e Durrësit, bulevardi ‘Dëshmorët e Kombit’ etj.

Axhenda e Erdogan në vendin tonë:

09.25 – Ceremonia e pritjes, Aeroporti “Nënë Tereza”

10.05 – Vizita në një familje në Laç

10.20 – Ceremonia e dorëzimit të shtëpive të ndërtuara pas tërmetit në Laç

Ceremonia e emërtimit të sheshit në Laç me emrin e Presidentit të Republikës së Turqisë

13.00 – Takim midis Presidentit të Turqisë Sh.T.Z. Recep Tayyip Erdoğan dhe Kryeministrit të Shqipërisë, Sh.T.Z. Edi Rama

15.00 – Nënshkrimi i marrëveshjeve + konferenca e përbashkët për shtyp

16.00 – Ceremonia e inaugurimit të xhamisë së Et’hem Beut

17.00 – Përshëndetja e Presidentit të Republikës së Turqisë në Kuvendin e Shqipërisë

 

AKSET E BLLOKUARA

Aeroporti i Rinasit- “Ura e Gjoles”, 08:30 -10:00

Vorë-“Ura e Gjoles”, 08:30 -10:00

Rinas-“Ura e Gjoles” 11:00-3:00

Vorë-Rinas, ura e Gjoles-Rinas, 11:00-13:00

Durrës-Tiranë ,11:00-13:00

“Casa Italia”- “Shqiponja”- “Teodor Keko”, 11:00-13:30

“Fabrika e Miellit”- Sanatorium, 11:00-13:30

Elbasan-Tiranë, 11:00- 13:30

“Rruga e Elbasanit”, 11:00-13:30

Rrugët lidhëse me bulevardin “Dëshmorët e Kombit” 14:30-6:30

Rrugët përpara Parlamentit ,16:30-18:00.

Aeroporti i Rinasit- “Ura e Gjoles”, 17:30-18:30

Vorë-“Ura e Gjoles”, 17:30-18:30

Rinas-“Ura e Gjoles” 17:30-18:30

Vorë-Rinas, Ura e Gjoles-Rinas, 17:30-18:30

Durrës-Tiranë, 17:30-18:30

Login to post comments

Lajmet e fundit

“Rithemelimi” padit kryetarin e Gjykatës së Tiranës

Politikë

“Rithemelimi” padit kryetarin e Gjykatës së Tiranës

  Komisioni i Rithemelimit ka ngritur padi ndaj kryetarit të Gjykatës së rrethit Gjyqësor Tiranë, Flamur Kapllanit dhe kancelarit Donald Xhelili. Rithemelimi akuzon zyrtarët për “Shpërdorim detyre”. “Në vijim të qëndrimit të bërë...

Tallja me Alibeajn/ Analistët: Fitoi të drejtën që ia jep Kushtetuta

Politikë

Tallja me Alibeajn/ Analistët: Fitoi të drejtën që ia jep Kushtetuta

  Enkelejd Alibeaj vazhdoi farsën presidenciale një ditë më parë, duke arritur kulmin pasi deklaroi se kishte arritur një marrëveshje. E ashtuquajtura marrëveshje, parashikon që opozita të propozojë kandidatë në raundet humbëse...

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

Politikë

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

17 maji i 2017 e polli sot këlyshin e 18 majit ose incenerator-marreveshjen Balla Alibeaj! Ne fund te estrades se këlyshit te 18 majit, Rripi i pantallonave te Rames do te...