Revolucioni i shamive të djegura/ Pse po rebelohen iranianët

E mërkurë, 21 September 2022 12:20
Nga Rene Garzke, BILD

Njerëzit në Iran po rebelohen- kundër regjimit të mullahëve dhe kundër rregulloreve islamike.Mijëra njerëz kanë dalë në rrugë të martën. Arsyeja: Vdekja e 22-vjeçares Mahsa Amini. Ajo vdiq pasi u arrestua nga policia e moralit e regjimit në Teheran. Mahsa nuk kishte veshur shaminë e kokës, siç kërkohet nga ligjet strikte të mullahëve.

 
A u rrah ajo për vdekje? Në median sociale u raportua se oficerët e goditën në kohën teksa ajo protestonte kundër arrestimit. Goditja solli një hemorragji cerebrale, nga e cila humbi jetën në spital. Regjimi mohon gjithçka, flet për probleme të dyshuara me zemrën.
Por fakti është se rasti i saj ka ndezur një valë zemërimi!

Videot e bëra publike në shumë qytete iraniane tregojnë gratë që djegin shamitë e kokës gjatë demonstratave ose që presin flokët në shenjë proteste.

Secila prej tyre rrezikon dënim të gjatë me burg, madje edhe torturim.

Arsyeja është se sipas Sharias, grave u kërkohet që të mbulojnë flokët dhe të veshin rroba të gjata të lirshme për të maskuar format e tyre.

Tre persona e kanë paguar deri më tani me jetë kurajën për të demonstruar për një Iran modern. Kjo është konfirmuar edhe nga autoritetet, por edhe nga grupet e të drejtave të njeriut.

Vetëm në Teheran, mijëra njerëz u mblodhën dhe kërkuan një shpjegim për vdekjen e Aminit. Forcat e sigurisë arrestuan shumë demonstrues. Njerëzit vërshuan sërish në rrugë të martën. Një prej sloganeve të tyre ishte: “Vdekje diktatorit!”

Eksperti për çështjet e Iranit, Adnan Tabatabai nga qendra kërkimore Carpo mendon se regjimi do të vazhdojë të reagojë me ashpërsi. “Druhen se aparati i sigurisë do t’u japë fund protestave me të gjithë forcën”, tha ai.

SHBA ka shprehur kritika të ashpra ndaj Iranit. Këshilltari për Sigurinë i Presidentit Joe Biden, Jake Sulivan, tha se “fakti që nj grua, e cila kërkon vetëm të ushtrojë të drejtat e saj themelore, vdes në këtë mënyrë, tregon shtypjen dhe brutalitetin e regjimit”.

Ndërkohë ka ndërhyrë edhe bosi i kompanisë Tesla, Elon Musk. Ai thotë se do të ofrojë lidhje të pacensuruar interneti për të gjithë protestuesit. Për këtë arsye, ai kërkon që të përjashtohet nga sanksionet e Departamentit të Thesarit në SHBA. Normalisht marrëveshje të tilla janë subjekt sanksionesh. Por Musk ka një arsye të fortë për këtë: Në fillim të protestave për vdekjen e Aminit, regjimi fiku pjesë të tëra të interneti në vend.

Login to post comments

Lajmet e fundit

Dhuna ndaj Berishës/ Shehaj tregon momentet e para pas sulmit: Akt i rëndë dhe i orkestruar! Kam parë 18 oficerë policie civile që nuk bënë asgjë

Politikë

Dhuna ndaj Berishës/ Shehaj tregon momentet e para pas sulmit: Akt i rëndë dhe i orkestruar! Kam parë 18 oficerë policie civile që nuk bënë asgjë

  Koordinatorja për luftën kundër korrupsionit në Partinë e Lirisë, Briseida Shehaj dënoi dhunën e ushtruar ndaj Sali Berishës një ditë më parë në protestën e opozitës. Për News24, ajo u shpreh...

A do të japë Berisha dëshmi në polici, Lela: Policia të terhiqet nga seria e provokimeve

Politikë

A do të japë Berisha dëshmi në polici, Lela: Policia të terhiqet nga seria e provokimeve

  Drejtori i Zyrës së Shtypit dhe i Komunikimit në Partinë Demokratike, Alfred Lela në një reagim në Facebook, është ndalur tek sulmi ndaj kreut të PD Sali Berisha të ndodhur...

Gazeta BILD denoncon lobimet e Ramës, lajmi për sulmin ndaj Berishës bëhet më i lexuari në Gjermani

Politikë

Gazeta BILD denoncon lobimet e Ramës, lajmi për sulmin ndaj Berishës bëhet më i lexuari në Gjermani

  Gazeta më e madhe gjermane, BILD, publikoi një shkrim të gazetarit të njohur, Peter Tiede, për sulmin ndaj kreut të opozitës shqiptare, Sali Berisha. Tiede shkruan se Berisha u sulmua nga...