Kryedemokrati Sali Berisha ka organizuar këtë mbrëmje një takim me banorët e degës 9 në Tiranë. Berisha deklaroi se kreu i qeverisë, Edi Rama është i zi edhe me fëmijët ndërsa kujtoi shpenzimet prej 22 mln eurosh të kryeministrit për fluturimet me charter.

“Ju përshëndes përzemërsisht dhe ju falënderoj për këtë pritje të zjarrtë. Shpreh besimin tim se secili prej jush, demokrat dhe demokrate në këtë sallë se demokratët dhe demokratet e Tiranës dhe mbarë Shqipërisë janë sot më të vetëdijshëm, më të vendosur, më të guximshëm se kurrë për ti dalë zot, lirive të drejtave, dinjitetit të tyre dhe mbarë shqiptarëve, për ti dalë zot interesit kombëtar të këtij vendi, këtij kombi. 

Edi Rama është një armik i fëmijëve tuaj, fëmijëve të shqiptarëve. Para jush unë takova një grup të gjerë prindërish të kopshtit ‘Zybejde Hanim’ me 250 fëmijë të mbyllur në një akt të turpshëm, ç’njerëzor nga Edi Rama me urdhër të një udhëheqësi të një vendi tjetër.

Ky akt, e thashë dhe aty e them edhe këtu është akt më ç’njerëzor që mund të bëjë një qeveritar. Ai i cili nuk stepet, dorëzohet, para një fëmije, ai nuk ka asgjë të përbashkët me njeriun.

Do të ju rikujtoj një skenë nga Viktor Hygo: Gjenerali që mbrojti kështjellën u largua. Në tunele shpëtoi, por gjenerali kthehet se një fëmijë kishte mbetur në biblotekë dhe kështjella po digjet. Kthehet, merr fëmijën dhe zbret shkallët e dorëzohet.

E dhashë këtë shembull për të thënë se asnjë njeri që i thotë vetes i tillë, nuk është që të bëjë një betejë me fëmijët, ëndrrat e tyre, kopshtin e tyre. Duhet të jesh si ai që ka trashëguar psikologjinë e babait të tij xhelat dhe tani kalon nga salla në sallë me një fjalor ordineri, që turpëron çdo njeri përveç atij që të ndërmarrësh një akt të tillë. Ai që është i tillë për fëmijët, është shumë herë më i zi për të gjithë të tjerët.

Ai i tillë është për pensionistët të cilët jetojnë duke numëruar kafshatën, që nuk mbijetojnë pa ndihmën e tjerëve, ndërkohë që vetë shpenzon 22 mln euro në 137 udhëtime me çarter me dhomë gjumi, se ashtu i takon nipit të xhelatit Spiro Koleka dhe të xhelatit Kristaq Ramës.

I takon atij, ndërsa të tjerë shqiptarë jetojnë në çadra, çadra të grisura, gra, fëmijë, të moshuar, që të gjithë, sepse për atë qytetarët janë qenie inferiore, pa vlerë, për tu shtypur. Udhëheqja komuniste me doktrinë burgoste, pushkatonte, internonte, por në aparencë nuk i lejonte vetes një sjellje të tillë.”-tha Berisha