Berisha i përgjigjet Ramës: Ai në çdo akt që firmos, vetëm vjedhje

Hënë, 21 November 2022 15:18

 

Kryetari i PD-së, Sali Berisha, i ka kthyer përgjigje sot nga Shkodra, edhe sulmeve të Kryeministrit Edi Rama.

Berisha tha: "Përgjigja ime është, ai në çdo akt që firmos, siç tha vetë, fap, fap, fap, e bam, bam, bam, vetëm vjedh. Kjo është përgjigja ime. Ai shqiptarëve u ka paraqitur vetëm një argument që thotë; si mund të vjedhë një burrë 2 metra. Nuk ka shqiptar që e pranon një argument të tillë. Janë aferat njëra pas tjetrës që e nxjerrin Edi Ramën, hajdutin më të madh të kombit shqiptar që kur është themeluar shteti e deri më sot. E kjo është me afera, argumente e me të gjitha.

 

Vetëm me energjinë mund të ndalem. A keni parë ju gazetarë të nderuar, a keni marrë pjesë, a keni kontrolluar ju, një tender të vetëm për energjinë këto kohë? Në një kohë kur, Senad, përpara një zv/ministër në ministrinë e Energjetikës, i merrte gazetarët dhe hapte zarfet për tenderët që bëni KESH-i, i hapte zarfet para tyre. Sot çfarë ka ndodhur me KESH-in. Sot asnjë qytetar, asnjë gazetar nuk mund të kontrollojë një tender të këtij institucioni.

Si e kanë bërë. Para një viti hapën një tender për një platformë digjitale prokurimesh. Në shkurt dështoi tenderi dhe Agjencia Kombëtare e Prokurimeve Publike e shpalli të dështuar. Por çfarë ndodhi; në korrik na shfaqet si fantazmë platforma digjitale, pa askush në botë nuk e di se kush e ndërtoi. Ne e dimë.

Ajo platformë digjitale u ndërtua nga një hajdutët që merr pjesë në vjedhjen në KESH. Ajo platformë digjitale u ndërtua e tillë që ti, e asnjë gazetar në Shqipëri, asnjë qytetar në Shqipëri të mos marrë vesh kurrë se kush mori pjesë në tender dhe çfarë oferte bëri.

Pra u ndërtuar platforma digjitale e tenderave sekretë. Kjo është e vërteta. Kaq.

Për të mos thënë pastaj që janë kapur me dokumente se si kanë hapur portet e kaskadës verës, kanë shitur energjinë me 40 euro megavatin, klientelës së vet dhe këta të fundit e kanë eksportuar me 140 euro, duke ndarë së bashku jo më pak se 100 euro.

Nëse Edi Rama paska probleme të bëhet burrë dhe ti çojë në prokurori, në skapin e tij. A e kontrollon ai skapin fund e krye. Por nuk ka asgjë nga ato që thotë. Vetë është i zhytur gjer në vesh.

Opozita po bën një punë që ti tregojë shqiptarëve dhe tani shumë shpejt gjithë botës se ky njeri me vjedhjet e tij, e ka shndërruar Shqipërinë në komb gomonesh.

Login to post comments

Lajmet e fundit

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Kulturë

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Elena Kadare në 87-vjetorin e lindjes së bashkëshortit të saj ka ndarë disa momente nga jeta e tyre së bashku, ndërsa ka folur gjithashtu edhe për rikthimin e tyre në...

Soko: Qeveria vjedh parate e shqiptareve dhe mban pushtetin duke gjymtuar opoziten

Politikë

Soko: Qeveria vjedh parate e shqiptareve dhe mban pushtetin duke gjymtuar opoziten

Pedagogu Pano Soko ka qene i ftuar dje ne emision Top Story ne Top Channel ku ka folur edhe per ngjarjet e fundit te aktualitetit politik dhe nder te tjera...

Tensionet në Kuvend/ Kryemadhi: Lindita Nikolla si mercenare e Edi Ramës

Politikë

Tensionet në Kuvend/ Kryemadhi: Lindita Nikolla si mercenare e Edi Ramës

Deputetja e Partisë së Lirisë, Monika Kryemadhi nga jashtë sallës së Kuvendit foli për kaosin që përfshiu sot seancën plenare. Ajo sulmoi ashpër kryetaren e Kuvendit, Lindita Nikolla duke thënë se...