21 janari/ Berisha: Unë nuk komentoj manipulimet e Ardi Veliut, harrojeni!

Tuesday, 24 Janar 2023 10:24

 

Kryetari demokrat, Sali Berisha e cilësoi dje manipulim dhe falsifikim nga ana e ishdrejtorit të Policisë së Shtetit, Ardi Veliu, aktualisht drejtor i Agjencisë së Mbikëqyrjes Policore, një material audio, ku pretendohet se kreu i Gardës, Ndrea Prendi, urdhëron vartësit tij të qëllojnë mbi protestuesit, nëse thyejnë perimetrin e sigurisë, në protestën e 21 Janarit.

Berisha ftoi Kryeministrin Edi Rama të heqë imunitetin që i jep Kuvendi si deputet dhe të dëshmojë për ngjarjen e rëndë, teksa shtoi se atë ditë “Rama i solli njerëzit si mish për top”. Kreu i Partisë Demokratike përmendi se ngjarja e 21 janarit është tragjike, ku përpjekjet për marrjen e pushtetit me dhunë lanë pas 4 viktima. Sipas tij, përgjegjësi i vetëm për ngjarjen është kryeministri Edi Rama, i cili njihet dhe si organizator dhe autor i asaj dhune, ku dhe i bëri thirrje këtij të fundit që të dëshmojë në prokurori.

 

“Së pari që unë të komentoj manipulimet e Ardi Veliut harroje, por të them këtu u takon mediave t’i thonë të vërtetën e atij manipulimi nuk mund të komentoj unë disa tabela shkrimi që paraqiten si audiopërgjim dhe nuk ekzistojnë është një manipulim dhe falsifikim njëlloj si shiriti i 21 janarit ku tha se Sali Berisha ishte i implikuar në problemin e hidrocentrali është gjithçka krijesë e Ardi Veliut, tani duke thënë këtë theksoj se 21 janari përbën një nga ngjarjet më tragjike, përpjekjen për një grusht shteti me dhunë nga ata të cilët unë i kam denoncuar me kohë”, deklaroi kreu i PD-së.

 

Sali Berisha e sfidoi Edi Ramën që të heqë dorë nga imuniteti e të përballet me ligjin, duke i kujtuar edhe porosinë e kohës që sipas tij, komuniteti ndërkombëtar dha për organizatorët e dhunës në protestën e 21 janarit.

“SHBA ka insistuar me të madhe që të hetohen organizatorët dhe autorët e dhunës. Edi Rama nuk gjeti kurrë kurajë të paraqitej në prokurori ndonëse u thirr për të dëshmuar, Edi Ramën do ta ndjekë përgjegjësia penale për organizimin e asaj dhune. Ai është i faktuar organizator në mënyrën më të pakundërshtueshme, pjesa e atyre e gardistëve është hetuar nga një kundërshtare e egër e Sali Berishës, është hetuar me një prani të rëndësishme ndërkombëtare. Por meqenëse shërbehet me krijime të Ardi Veliut i them lëri ato hajde hiq imunitetin dhe shko dëshmo për organizimin e pucit, i solli si mish për top. Familjarët kanë ngushëllimet e mia, por manipulimi i Edi Ramës se donte të vinte në pushtet është makabritet”, theksoi Sali Berisha.

Kreu demokrat përsëriti qëndrimin e tij se protesta e organizuar nga Partia Socialiste, në atë kohë në opozitë, ishte një grusht shteti. “Edi Ramën do ta ndjekë gjithë jetën përgjegjësia penale për organizimin e asaj dhune. Ai është i faktuar si organizator në mënyrën më të pakundërshtueshme. Pjesa e gardistëve është hetuar nga një kundërshtare e egër e Sali Berishës. Është hetuar me një prani të rëndësishme ndërkombëtare. Dhe janë dhënë dënimet e njohura deri më tani. Por, meqenëse shërbehet me krijime të Ardi Veliut, i them lëri ato, hajde hiq imunitetin se unë nuk kam imunitet për asgjë dhe shko dëshmo për organizimin e puçit”, deklaroi Sali Berisha.

Modifikuar më Tuesday, 24 Janar 2023 17:10
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...