Miku i Ramës, ish-zyrtari i lartë i FBI i arrestuar në Nju Jork, hapi kompani në Tiranë

Tuesday, 24 Janar 2023 17:02
 
 

Një ditë më parë, FBI-ja do të vinte në pranga ish-drejtuesin e zyrës së kundërzbulimit në Nju Jork, Charles McGonigal.

Pas bërjes publike të lajmit dhe dosjes së tij hetimore, u shfaqën edhe lidhjet me Edi Ramën në Shqipëri, dhe marrjen e të paktën 225 mijë dollarëve, për aktivitete që ish-zyrtari i FBI-së nuk i kishte raportuar në Departamentin e Drejtësisë, siç edhe e kërkon ligji amerikan. 

 Në muajin shtator 2022, SYRI TV do të denonconte se si McGonigal kishte hapur një kompani në Tiranë për lidhje biznesi, e jo siç deklaronte më pas Edi Rama, për miqësinë e tij me ish-zyrtarin e arrestuar.

 Charles McGonigal u arrestua në aeroport në Nju Jork dhe është lënë në lirim me kusht pasi pagoi 500 mijë dollarë.

Ai akuzohet se ka bashkëpunuar me një oligark rus, të quajtur Oleg Deripaska, me qëllim shmangien e sanksioneve ruse.

Por mbi të gjitha, McGonigal njihet edhe si mik personal i kryeministrit shqiptar, Edi Rama dhe është nën akuzë se ka marrë 225 mijë dollarë nga njerëzit e Edi Ramës.

Sipas hetuesve amerikanë, Rama është takuar të paktën katër herë me zyrtarin e FBI, por këto takime nuk janë raportuar.

Denoncimi ekskluziv i SYRI-t në shtator 2022
Ish-zyrtari i larte i FBI-së, Charles McGonigal, që dyshohet nga prokurorët amerikanë për lidhje me Rusinë, rezulton të ketë aktivitet biznesi në Shqipëri.

SYRI TV ka zbuluar ekskluzivisht, se miku i ngushtë i kryeministrit Edi Rama, në kohën që po lobonte për një takim në SHBA, në Shqipëri hapi një kompani, ku pas blerjes së aksioneve u emërua edhe administrator i saj.

Nga dokumentet e siguruara nga Qëndra Kombëtare e Biznesit, McGonigal është aksioner dhe administrator në shoqërinë “Law Office and Investigation”. Në të njëjtën kohë, bashkë me të aksioner të kompanisë bëhen edhe Agron Neza, që gjithashtu përmendet në dokumentet e kontakteve me rusët dhe ish-agjenti tjetër i FBI Mark Thomas Rossini, i cili aktualisht është në gjykim në Porto Riko, i akuzuar për mashtrim dhe konspiracion.

Ish-zyrtari i lartë i FBI-së, Charles McGonigal, njihet për lidhjet me kryeministrin Edi Rama, kjo e konfirmuar edhe nga zyrtarë të kryeministrisë që për 'Business Insider' kanë konfirmuar se miqësia e tyre nuk ka pasur raporte biznesi apo bashkëpunimi institucional.

Por dokumentet e siguruara ekskluzivisht nga SYRI TV, dëshmojnë të kundërtën. Pikërisht në kohën që Edi Rama i kërkonte McGonigal një takim në SHBA për të formësuar nismën anti-korrupsion, në Shqipëri për këtë synim ai hapi një kompani. Rezulton se aksionet janë blerë në muajin prill të 2019 nga avokati Shefqet Dizdari.

Por pasi plani i Ramës me McGonigal u bllokua nga FBI, ish-agjenti mbylli edhe kompaninë në Shqipëri. Tashmë kompania shqiptare e ish-agjentëve amerikan rezulton e pezulluar, e madje gjatë 7 mujorit të pronësisë, nuk ka kryer asnjë aktivitet.

Por teksa ky skenar nuk u realizua, duket se më i suksesshëm ka rezultuar shqiptari i dytë, emri i të cilit del në dokumentin e publikuar nga Insajder. Dorjan Duçka, bashkëpuntor i kryeministrit Edi Rama del sërish në listën e komunikimeve të ish-agjentit amerikan.

Duçka  gjithashtu është një lobues për llogari të Edi Ramës, të cilit i ka mundësuar takime të ndryshme. Takimi i fundit i që Dorjan Duçka i ka mundësuar Edi Ramës është ai me drejtuesin e Facebook, Mark Zukenberg në mbrëmjen e organizuar nga prestigjozja gjermane Bild. Fotot e shkrepura kanë tradhëtuar e kanë nxjerrë në pah lidhjet e Edi Ramës me Duçkën. Tashmë mbetet për tu zbardhur se kush është roli i Duçkës në kontaktin me ish-agjentin e FBI, të akuzuar nga autoritetet opër lidhje me rusët.

Modifikuar më Tuesday, 24 Janar 2023 17:04
Login to post comments

Lajmet e fundit

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Kulturë

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Elena Kadare në 87-vjetorin e lindjes së bashkëshortit të saj ka ndarë disa momente nga jeta e tyre së bashku, ndërsa ka folur gjithashtu edhe për rikthimin e tyre në...

Soko: Qeveria vjedh parate e shqiptareve dhe mban pushtetin duke gjymtuar opoziten

Politikë

Soko: Qeveria vjedh parate e shqiptareve dhe mban pushtetin duke gjymtuar opoziten

Pedagogu Pano Soko ka qene i ftuar dje ne emision Top Story ne Top Channel ku ka folur edhe per ngjarjet e fundit te aktualitetit politik dhe nder te tjera...

Tensionet në Kuvend/ Kryemadhi: Lindita Nikolla si mercenare e Edi Ramës

Politikë

Tensionet në Kuvend/ Kryemadhi: Lindita Nikolla si mercenare e Edi Ramës

Deputetja e Partisë së Lirisë, Monika Kryemadhi nga jashtë sallës së Kuvendit foli për kaosin që përfshiu sot seancën plenare. Ajo sulmoi ashpër kryetaren e Kuvendit, Lindita Nikolla duke thënë se...