Kryetari i Partisë Demokratike Sali Berisha deklaroi se revolucioni për të larguar qeverinë Rama do të vijojë jo vetëm me protesta paqësore, por edhe me mosbindje civile. Në mbledhjen me drejtuesit politik të qarqeve në selinë blu, Berisha, teksa iu dha direktivat për përgatitjet për protestën e 3 marsit, theksoi se vendi shpëtohet vetëm duke u bashkuar kundër mazhorancës socialiste

Në kuadër të përgatitjeve për protestën kombëtare të 3 marsit, kreu i Partisë Demokratike, Sali Berisha zhvilloi një takim me drejtuesit politik të qarqeve në selinë blu, ku vlerësoi protestat e organizuar gjatë kësaj kohe kundër qeverisë Rama.

Në fjalën e tij, Berisha deklaroi se ky revolucion do të vijojë jo vetëm me protesta paqësore, por edhe me mosbindje civile. 

Në këtë takim nuk munguan edhe direktivat e Berishës ndaj drejtuesve politikë, të cilët, sipas tij, duhet të organizojnë takime intensive me qytetarët dhe strukturat. 

Lideri demokrat deklaroi se vendi mund të shpëtohet vetëm duke u bashkuar dhe përballur me këtë qeveri, për të cilën theksoi se është kthyer në një regjim.