Sikur të mos mjaftonte vetë skandali i lirimit të parakohshëm të ish-ministrit të Brendshëm, Saimir Tahiri, në dritë po dalin edhe të tjera fakte të rënda.
Gazetari Osman Stafa shkruan se Tahiri e ka shitur shtëpinë ku i është caktuar të kalojë pjesën e mbetur të dënimit.
“Ish-ministri i Brendshëm Saimir Tahiri e ka shitur që në vitin 2019 shtëpinë që gjendet në adresën e publikuar nga Gjykata e Elbasanit. Por ama gjykata i njeh për adresë ish-ministrit dhe vendin ku do të kryejë pjesën e mbetur të dënimit një adresë që nuk e ka më.
Pika 2 në vendimin e gjykatës është adresa e gabuar e Saimir Tahirit.
Ndërsa në pikën e 6-të, thuhet se një kopje e këtij vendimi do i çohet Zyrës së Shërbimit të Provës dhe Komisariatit nr. 1, që të verifikojnë dhe kontrollojnë respektimin e detyrimeve nga ana e të dënuarit.
Pra, autoritetet do të kontrollojnë respektimin e detyrimeve të ish-ministrit në një adresë të gabuar. Kaq!” shkruan gazetari.
