Kanë të gjithë populistë, kemi dhe ne...
Nga Ylli Manjani.
Askush nuk shpjegon se ç'do ndodhë e kur do të rivendoset normaliteti në shërbim, si do të zgjidhen emergjencat, si do përballohet fluksi në rritje. Por mohojnë në kor që ka probleme dhe fajësojnë e mallkojnë përdoruesit e sistemit.
Meqë ra fjala, sistemi i pretenduar online i kadastrës është larg, shumë larg modeleve funksionale në Europë.
Ideja është shumë e mirë, sepse synohet që gjithkush të shkarkojë infon e freskët mbi pronën e tij siç shkarkohet një çertifikatë e gjendjes civile. Por kjo ide është larg në mënyrën se si kanë zgjedhur ta zbatojnë.
Mjafton të konstatosh që aplikimin tënd për një pronë në Sarandë duhet ta miratojë një nëpunës në Shkodër dhe del qartë niveli i budallallëkut. E lemë mënjanë shkeljen e ligjit.
Mirë që dështojnë, por nuk kërkojnë as ndjesë. Përkundrazi, mallkojnë e shajnë si rrugaçë ordinerë.
Ja pra që edhe populistët nuk sillen dot njësoj, sepse ndryshojnë popujt. Na ka rënë për hise populisti që shan e mallkon popullin dhe i rritet popullariteti.