Duke folur në ‘A Shoë’ me Adi Krastën në SYRI TV, Manjani u shpreh se, në fakt në disa sektorë sistemi i drejtësisë ka pësuar regres, e jo progres.

‘Është një gjë që duhet ta dinë të gjithë.

Reforma në drejtësi, siç është quajtur sot, nuk është bërë. Ne nuk kemi reformuar drejtësinë. Deri më sot ne kemi bërë një politikë personeli, kemi hequr në mënyrën më brutale disa njerëz nga puna, disa njerëz që kanë dhënë në sistemin e drejtësisë, 10-20-30 vite punë.

Me një të rënë të lapsit, në mënyrën më brutale të mundshme, ne i kemi nxjerrë nga loja dhe kemi boshatisur, sistemin gjyqësor nga profesionistët.

Kjo është pasoja e asaj që ne e njohim si reformë në drejtësi.

Ne deri tani nuk kemi bërë, nuk kemi ndryshuar gjyqin, afatin e gjyqit, konceptin e gjyqit. Nuk kemi reformuar asgjë.

Përkundrazi në disa aspekte ne kemi bërë regres, me disa ndërhyrje që janë bërë në emër të reformës, por që kanë krijuar regres në kuptimin e standardeve.

Liritë kushtetuese sot janë shumë të diskutueshme. Garancitë e çdo shtetasi sot janë zero. Këtu kemi arritur.

Nëse kjo quhet reformë dhe ka një emër, e meriton të jetë në pronësinë e tyre, të komunistëve të rinj shqiptarë. Kanë tejkaluar edhe standardet e Enver Hoxhës.

Reforma nuk është bërë ende’, tha Ylli Manjani në SYRI TV.