Sipas Berishës, gjykimin nuk do të ja bëjnë Ramës, mercenerët e tij, por mijëra shqiptarët e revoltuar që do të mblidhen në protestën e 20 shkurtit. 

Pjesë nga fjala e kreut të PD-së, Sali Berisha:

Edi Rama, koha jote mbaroi! 

Mbaroi koha e inceneratorëve, në flakët e tyre do përfundosh bashkë me Erion Veliajn dhe hajnat e tjerë.

Edi Rama, mbaroi koha e vjedhjeve të tua të shekullit, erdhi koha e gjykimit, por jo nga mercenarët e tua, Dumanë, Kraja e kompani, por me 20 shkurt nga qindra-mijëra qytetarë të revoltuar.

Mbaroi koha e bandës dhe e drogës, erdhi koha e ligjit dhe e drejtësisë të qytetarëve të revoltuar.

Edi Rama, mbaroi koha e McGonigal, erdhi koha e drejtësisë, mbaroi koha e burgosjeve politike, erdhi koha e fatit të babait tënd shpirtëror.

Më 20 shkurt 1991, luani u zgjua. 20 shkurti është dita e qytetarëve.

20 shkurti është koha e demokracisë, 20 shkurti është dita e pluralizmit, 20 shkurti është koha e lirisë, 20 shkurti është koha e fitoreve, është ëndrra evropiane, është koha e shpëtimit të Shqipërisë, sepse kauza jonë është demokracia.

Sepse kauza jonë është pluralizmi.

Sepse kauza jonë është dinjiteti njerëzor.

Sepse kauza jonë është e ardhmja evropiane e Shqipërisë.

Sepse kauza jonë është ripopullimi i Shqipërisë.

Kauza jonë është nxjerrja e shqiptarëve nga varfëria.

Miq, o sot, o kurrë, ta bëjmë Shqipërinë si Europa.

20 shkurti, gati për fitore. Ne jemi bashkë, ne jemi të pandalshëm, ne jemi fitorja.

Zoti ju bekoftë, Zoti e bekoftë Shqipërinë, Zoti ju bekoftë ju fitimtarë, shpëtimtarët e kombit.

Fitore, fitore, fitore!