Balliu: Rama e mbron Xhaçkën me fanatizëm pasi di shumë për Armand Josifin, partnerin vëllait në biznes

E mërkurë, 27 Mars 2024 18:35

I ftuar në SYRI TV me moderatorin Arnold Karriqi, shefi i organizimit në PD, Klevis Balliu ka komentuar arrestimin e ish-kryebashkiakut të Himarës Jorgo Goro, duke u përdorur si varkë shpëtimi për ish-ministren Olta Xhaçka.  

Sipas Balliut, drejtësia në Shqipëri nuk ka asnjë standard por po mban në pushtet Edi Ramën. 

 

Balliu theksoi se Artan Gaçi dhe Xhaçka duhet të ishin në burg, por ish-ministren e mbron Edi Rama pasi ajo di shumë për Armand Josifin që është partneri i vëllait të kryeministrit në biznese.

Balliu: Nuk është çështja vetëm për Xhaçkën, do vij një moment që për të shpëtuar kokën e vetë, Rama do të përdorë edhe Xhaçkën si një varkë. Kjo është një drejtësi pa standard fare. Kjo është një drejtësi në funksionin për të mbajtur në pushtet Ramën, ky është qëllimi i kësaj drejtësie.

Këta arrestojnë Goron se ka vjedhur Xhaçka pronën në Himarë, këta arrestojnë Goron meqënëse Rama ka emëruar me votën e gruas së Gaçit, Gaçin investitor strategjik. Meqënëse ky është standardi i kësaj drejtësie pse nuk arrestojnë Ramën që ka ndërruar pronën për Karlo Bolinon, meqënëse është ky standardi?

Në fakt nuk ka standard, por këtu është të bëjmë ç’të mundemi që të mbajmë Ramën në pushtet.

Rama e ka këtë drejtësi një nga organizatat e pushtetit të vetë. E përdor atë për të qëndruar aty ku është dhe për të vjedhur dhe për të varfëruar qytetarët çdo ditë. U vjedh qytetarëve pronën, u vjedh ujin u vjedh gjithçka, u vjedh edhe të ardhmen dhe justifikimi që ai ka janë Bllako, Goro ndonjë peshk tjetër.

Karriqi: Faji është individual ka thënë gjithmonë kryeministri...

Balliu: Individual është po këtu individuali është Rama se këta pa Ramën nuk martohen dot jo më të vjedhin para pa Ramën.

Artan Gaçi dhe Xhaçka duhet të ishin në burg. Kushteta thotë që Xhaçkës duhet ti hiqet mandati, këta shkelin ligjin kushtetutën nuk ia heqin mandatin. Kapet Armand Josifi me vjedhje miliarda euro kjo e mban këshilltarë, ata nuk e pyesin Oltën për këtë, drejtësia nuk e pyet, por ajo shpëton sërish.

Voton në shkelje të ligjit, në kabinetin që ajo bënte pjesë, si investitor strategjik burrin e vetë, prap Oltën nuk e gjen gjë, tani vidhet prona ndryshohet prona pët t’ja dhuruar Gaçit të Oltës, prap Oltën nuk e gjen gjë.

Pse e mbron me kaq fanatizëm Ramën Oltën dhe pse është gati të bëjë gjithçka për ta mbajtur mirë me Oltën? Sepse Olta di shumë për Armand Josifin që është partneri i vëllait të Edi Ramës në biznese. Çështjet këtu janë të ndërlidhura pasi këtu janë nga krimi në krim.

Modifikuar më E mërkurë, 27 Mars 2024 18:37
Login to post comments

Lajmet e fundit

Toni Kroos njofton fundin e karrierës/ BILD: Po largohet lideri i kombëtares...

Sport

Toni Kroos njofton fundin e karrierës/ BILD: Po largohet lideri i kombëtares...

Nga Christian Falk, BILD   Ai ka qenë prej vitesh një nga yjet tanë më të mëdhenj aktivë të futbollit në mbarë botën. Por jo për shumë kohë...  Lideri i kombëtares Toni Kroos...

Fluksi i pushuesve nxit turizmin detar/ Sigurimi i Përgjegjësisë për mjetet lundruese, çka ju nevojitet për një lundrim të qetë

Sociale

Fluksi i pushuesve nxit turizmin detar/ Sigurimi i Përgjegjësisë për mjetet lundruese, çka ju nevojitet për një lundrim të qetë

Vrulli i turizmit gjatë viteve të fundit në Shqipëri ka nxitur zhvillimin e aktiviteteve të turizmit detar për qëllime çlodhëse dhe argëtuese.  Sipas Ministrisë së Turizmit dhe Mjedisit deri më tani...

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...