Lulzim Basha, pasi tentoi për javë me radhë të bënte pazar me mazhorancën për projektligjin e Amnistisë Penale dhe Reformën Zgjedhore, u shpërfill nga PS-ja përshkak se ishte i vetmuar, nuk ia bënte dot votat as për Amnistinë, as për Reformën Zgjedhore. Duke qenë se dështoi me pengun e tij, Rama u detyrua të gjejë dakordësi me opozitën e vërtetë.
I mbetur pa mundësi pazari, Basha ka ditë që nuk e bën më as gjumin rehat, shkon në Parlament, del nëpër konferenca të jashtëzakonshme imagjinare dhe flet me veten.
E njëjta gjë ndodhi edhe sot, Basha u ngrit dhe sulmoi mazhorancën dhe opozitën për projektligjin.
Ai deklaroi se mazhoranca po bën pazar me Bardhin kundër drejtësisë dhe kundër SPAK-ut.
“Amnistia nuk përfshin protestuesit masivisht të opozitës të akuzuar për nenin 236/2, kundërshtim i punonjësve të policisë. Propozimi prek vetëm nenin 236/1. Asnjë opozitar nuk përfiton, përfitojnë zyrtarët e korruptuar. Është e qartë se ky pazar i ulët është një pazar antidrejtësi, një pazar anti-SPAK, përfitojnë të korruptuarit, dënohen dhe përjashtohen nga përfitimi ata që janë ngritur kundër korrupsionit dhe kriminalizimit të shtetit duke përfshirë zyrtarë të lartë të çështjeve që gjoja janë nën hetim parlamentar siç është ish-sekretarja e përgjithshme e shëndetësisë”, tha Basha.
Duket qartë që Basha ka humbur mundësinë e shitjes së interesave të opozitës për interesa të tija personale.
